الماتىنىڭ قالا قۇرىلىسى باقىلاۋ باسقارماسى «AsiaMax» جاۋاپكەرشىلىگى شەكتەۋلى سەرىكتەستىگىنە بەرىلگەن قۇرىلىس ليسەنزياسىنىڭ قايتارىلعانىن ايتتى، دەپ حابارلايدى aqshamnews.kz
اتالعان مەردىگەر ۇيىم ءابىش كەكىلباي ۇلى كوشەسىندەگى سىرتقى كارىز جەلىسىن قايتا جاڭارتۋ جۇمىستارىن جۇرگىزگەن بولاتىن.
الايدا جوبا مەرزىمى ۇزاققا سوزىلىپ، تۇرعىندارعا قولايسىزدىق تۋعىزۋ سىندى مەردىگەر ءبىرقاتار كەمشىلىك جىبەرگەن.
باسقارما جۇرگىزگەن جوسپاردان تىس تەكسەرىس ناتيجەسىندە جوبالىق شەشىمدەردەن ايتارلىقتاي اۋىتقۋلار مەن قۇرىلىس سالاسىنداعى مەملەكەتتىك نورماتيۆتەردىڭ ساقتالماعانى انىقتالدى.
وسىعان بايلانىستى مەردىگەرگە اكىمشىلىك شارالار قولدانىلىپ، انىقتالعان زاڭبۇزۋشىلىقتاردى جويۋ جونىندە مىندەتتى نۇسقاما بەرىلدى. سونداي-اق، قۇرىلىس-مونتاج جۇمىستارىمەن اينالىسۋ قۇقىعىنان ايىرىلدى.