ەرجان باباقۇماروۆ جەكە مەديسينالىق ۇيىمداردىڭ باس دارىگەرلەرىمەن مەديسينالىق قىزمەتتىڭ ساپاسى مەن ۆاكسينالاۋ قارقىنىن تالقىلادى، دەپ حابارلايدى almaty-akshamy.kz
الماتى قالاسى اكىمىنىڭ ورىنباسارى ەرجان باباقۇماروۆ قوعامدىق دەنساۋلىق باسقارماسى باسشىسى ن. تابىنبايەۆتىڭ، سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ج. بەكشيننىڭ، الەۋمەتتىك مەديسينالىق ساقتاندىرۋ قورىنىڭ الماتى فيليالىنىڭ باسشىسى ت. ابىلدايەۆتىڭ جانە جەكە مەديسينالىق مەكەمەلەردىڭ باس دارىگەرلەرىمەن ونلاين-فورماتتا كەڭەس وتكىزدى.
كەڭەستە قالا تۇرعىندارىنا كورسەتىلەتىن مەديسينالىق قىزمەتتىڭ ساپاسى مەن جەكەمەنشىك مەديسينالىق ۇيىمدارعا بەكىتىلگەن تۇرعىنداردى ۆاكسينالاۋ قارقىنى تالقىلاندى.
بۇگىندە الماتىدا امسك-تىڭ 35 جەكە جەتكىزۋشىسى بار. اعىمداعى جىلدىڭ ءبىرىنشى جارتىجىلدىعىندا جۇرگىزىلگەن قىزمەتتىڭ تالداۋ ناتيجەلەرى بويىنشا، جەكە مەديسينالىق-سانيتارلىق كومەك كورسەتەتىندەردىڭ جۇمىسىنا قاتىستى تۇسكەن شاعىمدار 3،5 ەسەگە ارتقان. ءامسق اتاپ وتكەندەي، جەكە مەديسينالىق ۇيىمدار، تىركەلگەن حالىقتىڭ ازدىعىنا قاراماستان، شاعىمداردىڭ ۇلەسى جوعارى. وسىعان بايلانىستى مەديسينالىق قىزمەت كورسەتۋ ساپاسىنىڭ ناشارلاۋىن بولدىرماۋ جانە مەديسينالىق قىزمەتتەردى تۇتىنۋشىلاردىڭ شاعىمدارىنىڭ نەگىزدىلىگىن راستاۋ ءۇشىن، ماتەريالدار دەنساۋلىق ساقتاۋ مينيسترلىگى مەديسينالىق جانە فارماسيەۆتيكالىق باقىلاۋ كوميتەتىنىڭ الماتى قالاسى بويىنشا دەپارتامەنتىنە جىبەرىلەدى.
قازىرگى ۋاقىتتا 22 جەكە مەديسينالىق-سانيتارلىق كومەك كورسەتۋشى ءوز وندىرىستىك بازاسىندا ۆاكسينالاۋدى جۇرگىزەدى، قالعاندارى ەگۋ بولمەلەرىن اشۋ بويىنشا جۇمىستانۋدا. ۆاكسينالاۋدىڭ وڭ كورسەتكىشتەرى الماتى تەمىرجول اۋرۋحاناسى، Open Medical Chanel ج ش س، كەرۋەن-مەديكۋس، “ارحيمەدەس” ج ش س جۇمىسىندا بايقالدى. «№55 ەمحاناسى» ج ش س، «سۇڭقار II ەمحاناسى» ج ش س، «Med Lab express» ج ش س جانە باسقالارى ۆاكسيناسيا قارقىنىن تەزدەتۋى قاجەت. ايتا كەتسەك، «اسسيستانس مەدي سەرۆيس» ج ش س كەڭسە اشۋدان باس تارتۋ تۋرالى حابارلاما جىبەردى جانە امسق-پەن كەلىسىمدى بۇزدى، «اميترۋد داريگا» جشس-دە ولاردىڭ نەگىزىندە ۆاكسينالاۋ كابينەتىن اشۋ بويىنشا جۇمىس جاسامايدى.
اكىمنىڭ ورىنباسارى ەرجان باباقۇماروۆ ۆاكسيناسيا قارقىنى كوروناۆيرۋستىق ينفەكسيانىڭ تارالۋ جىلدامدىعىنان جانە جۇقتىرعاندار سانىنىڭ وسۋىنەن ارتتا قالاتىنىن، بۇل قالانىڭ دەنساۋلىق ساقتاۋ جۇيەسىنە جالپى جۇكتەمەنى ارتتىراتىنىن اتاپ ءوتتى. مەديسينالىق قىزمەت كورسەتۋشىلەردىڭ قولدانىستاعى قۇزىرەتى اياسىندا شارتتىق مىندەتتەمەلەردى ورىنداۋىن باقىلاۋ بويىنشا ءبىرقاتار ناقتى تاپسىرمالار بەرىلدى.
«بۇگىندە الماتىدا ۆاكسينالاۋ قارقىنىنىڭ دەڭگەيى - تاۋلىگىنە 8،5 مىڭ. سونىمەن قاتار، ينفەكسيانىڭ جاڭا جاعدايلارىن تىركەۋ جالعاسۋدا. ەمدەۋگە جاتقىزۋ دەرەكتەرى 700 جاعدايدان اسادى. قالا تۇرعىندارىنىڭ ءومىرى مەن دەنساۋلىعىنىڭ ساقتالۋىن قامتاماسىز ەتۋ ءۇشىن COVID-19-عا قارسى ۆاكسينالاۋمەن قامتۋدى كەڭەيتۋ ءۇشىن بىرلەسە جۇمىس جاساۋ قاجەت. كوروناۆيرۋستىڭ باسقا رەسپيراتورلىق ينفەكسيالارمەن قاباتتاسۋىن بولدىرماۋ ءۇشىن ۇجىمدىق يممۋنيتەتتى قالىپتاستىرۋ، اسىرەسە، جرۆي جانە تۇماۋ ماۋسىمىنىڭ الدىندا ماڭىزدى»، - دەدى ەرجان باباقۇماروۆ.