2021-2022 وقۋ جىلىندا قازاقستاننىڭ 7475 مەكتەبىندە 3،4 ملن-نان استام ادام، ونىڭ ىشىندە 1 سىنىپتا 380 مىڭنان استام بالا وقيتىن بولادى.
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا وقۋ جىلىنىڭ باستالۋىنا دايىندىق بارىسى قارالدى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.
وقۋ ءداستۇرلى فورماتتا جۇرگىزىلەدى. ۆاكسينا العان پەداگوگتەر جۇمىسقا جىبەرىلەدى. قازىرگى ۋاقىتتا ۆاكسينالاۋعا جاتاتىن پەداگوگتەر مەن ءبىلىم بەرۋ مەكەمەلەرىنىڭ باسقا قىزمەتكەرلەرىنىڭ 88،4%-ى ۆاكسينا الدى. ۇكىمەت باسشىسى وقۋشىلار مەن پەداگوگتەردىڭ قاۋىپسىزدىگى مەن دەنساۋلىعىن ساقتاۋدى قامتاماسىز ەتۋ بويىنشا ۇيىمداستىرۋشىلىق ماسەلەلەردى بارىنشا تەزدەتىپ شەشۋ قاجەتتىگىن اتاپ ءوتتى. ءبىلىم جانە عىلىم، دەنساۋلىق ساقتاۋ مينيسترلىكتەرىنە، وڭىرلەردىڭ اكىمدىكتەرىنە جاڭا وقۋ جىلىندا مەكتەپكە دەيىنگى جانە ورتا ءبىلىم بەرۋ ۇيىمدارىندا، سونىمەن قاتار كوللەدجدەر مەن جوعارى وقۋ ورىندارىندا وقۋدى شتاتتىق رەجيمدە قامتاماسىز ەتۋ تاپسىرىلدى. بۇل رەتتە ءاربىر مەكتەپكە ءداستۇرلى فورماتتا وقۋ بويىنشا ناقتى ۇسىنىمدار جەتكىزىلۋى ءتيىس.
پرەمەر-مينيستر وسى جىلعى 25 تامىزعا دەيىن مەديسينالىق قارسى كورسەتىلىمدەرى بار ادامداردان باسقا، پەداگوگتار مەن تەحپەرسونالدى ۆاكسينالاۋمەن 100% قامتاماسىز ەتۋدى، وسى جىلعى 20 تامىزعا دەيىن مەكتەپتەردى سانيتاريالىق تالاپتارعا سايكەس (كۆارستەۋ، دەزينفەكسيا، ماسكا رەجيمى، كۇندەلىكتى تەرمومەتريا جانە ت.ب.) قابىلداۋدى اياقتاۋدى تاپسىردى. بارلىق ءبىلىم بەرۋ ۇيىمدارىندا پەداگوگتەر، قىزمەتكەرلەر مەن اتا-انالار ءۇشىن Ashyq جۇيەسى ەنگىزىلەدى. ۇكىمەت باسشىسى 25 تامىزعا دەيىن، ەڭ الدىمەن، كەستەدەن كەشىگىپ وتىرعان پاۆلودار جانە تۇركىستان وبلىستارىندا وقۋلىقتاردى مەكتەپتەرگە كەستەگە سايكەس تولىعىمەن جەتكىزۋدى تاپسىردى.