30 تامىز 2025 جىلى الماتىداعى اباي الاڭىندا قازاقستان كونستيتۋسياسىنىڭ 30 جىلدىعىنا ارنالعان سالتاناتتى ءىس-شارا وتەدى.
رەسمي ءبولىم 18:00-دە مەملەكەتتىك تۋدى شىعارىپ، ءانۇراندى ورىنداۋمەن باستالادى.
كورەرمەندەر ءۇشىن 200-دەن استام ارتيست قاتىساتىن تەاترلاندىرىلعان قويىلىم ۇسىنىلادى. وندا ەڭبەك ادامدارىنىڭ بەينەسى، اسكەري قىزمەتكەرلەر مەن مەملەكەتتىك تۋدى الىپ شىعاتىن توپتار كورىنىس تابادى. مۋزىكالىق سۇيەمەلدەۋدى وپەرا جانە ەسترادا انشىلەرى مەملەكەتتىك حور كاپەللاسىمەن بىرگە ورىندايدى.
ساحناعا روزا رىمبايەۆا، تامارا اسار، جانار ايجانوۆا، ايگۇل قوسانوۆا، IL Canto كۆارتەتى، «مۋزارت Life» توبى، ءالي وقاپوۆ، Temirlan & Yernat، زارينا التىنبايەۆا، رۇستەم نۇرجىگىت، اقبوتا-نۇر سەيتماعامبەت، ەرنازار جۇبان، «سازگەن سازى» ەتنوانسامبلى جانە AL Jazz Symphony ەسترادالىق-سيمفونيالىق وركەسترى شىعادى.
مەرەكە اشىق اسپان استىنداعى سپەكتاكلمەن جالعاسادى. 19:00-دە رەسپۋبليكا سارايىنىڭ الدىندا اڭىزعا اينالعان ءاسانالى ءاشىموۆ نەگىزىن قالاعان «جاڭا عاسىر» تەاترى «الماتى – ماحابباتىم» اتتى مۋزىكالىق قويىلىمدى ساحنالايدى.
20:00-دە وسى الاڭدا «الماتى اۋەندەرى» كونسەرتى وتەدى. وندا سايات نۇرعازين، ابيك جەكسەن، Kyle Ruh، ءىنجۋ انۋاربەك، ديماش داۋلەتوۆ، بەيبىتگۇل نۇرىمقوجينا، «ارقايىم» دۋەتى، ەلدار وماروۆ، تاحمينا اشيمبەكوۆا، داۋرەن ءبايبورى، دالەل ۋاشيەۆ جانە ASU فولكلورلىق-ەتنوگرافيالىق ءانسامبلى ونەر كورسەتەدى.
Open-air كونسەرتتىڭ حەدلاينەرلەرى – Yenlik پەن قايرات نۇرتاس. باعدارلاما 22:00-دە اياقتالادى.
سونىمەن قاتار، 27–29 تامىز كۇندەرى قالا اۋداندارىندا كونسەرتتەر، كونفەرەنسيالار جانە مادەني باعدارلامالار وتەدى:
– جەتىسۋ اۋدانى، مادەنيەت ءۇيى (كەمەل ىقشاماۋدانى) – 27 تامىز، 11:00. سالتاناتتى كونسەرت «تاۋەلسىز ەلدىڭ تۇعىرى – اتا زاڭ».
– المالى اۋدانى، اربات (جىبەك جولى داڭعىلى، 100) – 28 تامىز، 16:00. مەرەكەلىك كونسەرت «30 جىل ەل تىرەگى – اتا زاڭ».
– بوستاندىق اۋدانى، ءال-فارابي اتىنداعى قازۇۋ اكت زالى – 28 تامىز، 15:00. سالتاناتتى كونسەرت.
– الاتاۋ اۋدانى، اتلەتيكالىق اۋىل (نۇركەنت-5) – 29 تامىز، 17:00. مەرەكەلىك كونسەرت.
– اۋەزوۆ اۋدانى، «نارحوز» ۋنيۆەرسيتەتىنىڭ اكت زالى (جاندوسوۆ كوشەسى، 55) – 29 تامىز، 15:00. كونسەرت «اتا زاڭ – تاۋەلسىز ەل تۇعىرى».
– ناۋرىزباي اۋدانى، اكىمدىك عيماراتى جانىنداعى امفيتەاتر (شۇعىلا ىقشاماۋدانى، 347) – 29 تامىز، 16:00. كونسەرتتىك باعدارلاما.
– مەدەۋ اۋدانى، وقۋشىلار سارايى (دوستىق داڭعىلى، 124) – 29 تامىز، 11:00. مەرەكەلىك كونسەرت.
– تۇركسىب اۋدانى، №6 وقۋشىلار ءۇيى (سەيفۋللين داڭعىلى، 13/1) – 29 تامىز، 11:00. سالتاناتتى كونسەرت.
سونىمەن بىرگە، 29 تامىز كۇنى ساعات 11:00-دە دوستىق ۇيىندە ءماسليحات دەپۋتاتتارى، قوعامدىق كەڭەس وكىلدەرى، تاريحشىلار مەن ساراپشىلاردىڭ قاتىسۋىمەن عىلىمي-تاجىريبەلىك كونفەرەنسيا وتەدى.