"قازگيدرومەت" رمك باسپا ءسوز قىزمەتىنىڭ مالىمدەۋىنشە، كۇزدىڭ باسىندا ەلىمىزدىڭ باسىم بولىگىندە باتىس انتيسيكلونىنىڭ اسەرىنەن اۋا رايى جاۋىن-شاشىنسىز بولادى، دەپ حابارلايدى aqshamnews.kz
الايدا 29 تامىزدا سولتۇستىك-باتىس سيكلونىنىڭ ويپاتىنىڭ وتۋىنە بايلانىستى ەلدىڭ سولتۇستىك، ورتالىق جانە شىعىس ايماقتارىندا اۋا رايىنىڭ تۇراقسىز سيپاتى بولجانادى.
ال، 30 تامىزدا تۇراقسىز اۋا رايى قازاقستاننىڭ وڭتۇستىك-شىعىسىن دا قامتيدى.
"جاڭبىر، نايزاعاي كۇتىلەدى، 30 تامىزدا ەلدىڭ سولتۇستىگىندە، شىعىسىندا جانە ورتالىعىندا بۇرشاق پەن ەكپىندى جەلمەن بىرگە قاتتى جاڭبىر بولجانادى"، دەلىنگەن "قازگيدرومەت" رمك حابارلاماسىندا.
سونداي-اق، سينوپتيكتەر رەسپۋبليكا بويىنشا جەلدىڭ كۇشەيۋى، باتىستا، سولتۇستىكتە، سولتۇستىك-باتىستا تۇندە جانە تاڭەرتەڭ تۇمان كۇتىلەتىندىگىن دە اتاپ ءوتتى.
ايماقتار بويىنشا تەمپەراتۋرالىق فون كەلەسىدەي بولادى.
باتىستا اۋا تەمپەراتۋراسى +20…+31°س شەگىندە،
وڭتۇستىك-باتىستا +27…+35°س.
اۋانىڭ تومەندەۋى كۇتىلەدى:
قازاقستاننىڭ سولتۇستىك-باتىسىندا +23…+33°س-تان +15…+23°س-قا دەيىن،
سولتۇستىك وبلىستاردا قاتتى ىستىق +30…+35°س-تان +15…+23°س-قا دەيىن،
ەلدىڭ ورتالىعىندا قاتتى ىستىق +30…+37°س-تان +18…+27°س-قا دەيىن،
شىعىس قازاقستاندا +22…+32°س-تان +17…+28°س-قا دەيىن،
وڭتۇستىك وبلىستاردا قاتتى ىستىق +30…+41°س-تان +26…+35°س-قا دەيىن تومەندەيدى.
"وڭتۇستىك-شىعىستا +33…+38°س قاتتى ىستىق ساقتالادى، تاۋلى ايماقتاردا +23…+28°س بولادى"،- دەلىنگەن اقپاراتتا.