الەۋمەتتىك ماڭىزى بار ازىق-تۇلىك تاۋارلارىنا مەملەكەتتىك باقىلاۋدى قامتاماسىز ەتۋ اياسىندا، الماتى قالاسى ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى الماتى قالاسى كاسىپكەرلىك جانە ينۆەستيسيالار باسقارماسىمەن بىرلەسىپ، ءىرى ساۋدا وبەكتىلەرىنىڭ، ساۋدا جەلىلەرىنىڭ، سۋپەرماركەتتەردىڭ، ساۋدا بازارلارى مەن ءۇي جانىنداعى دۇكەندەردىڭ وكىلدەرىن ساۋدا زاڭناماسىنىڭ تالاپتارىن ساقتاۋ ماسەلەلەرى تۋرالى، اتاپ ايتقاندا، الەۋمەتتىك ماڭىزى بار ازىق-تۇلىك تاۋارلارىنا 15% ساۋدا ۇستەمەسىن ساقتاۋ، ناقتى رەسىمدەلگەن باعا بەلگىلەرىن كورسەتە وتىرىپ، تاۋارلاردى وتكىزۋ بويىنشا اقپاراتتاندىرۋ جانە ءتۇسىندىرۋ بويىنشا ءىس-شارالار تۇرىندە كەشەندى جۇمىس جۇرگىزۋدە، الەۋمەتتىك ماڭىزى بار ازىق-تۇلىك تاۋارلارىنا تۇراقتى تۇردە باعا بەلگىلەۋ مونيتورينگى جۇرگىزىلىپ، ساۋدا سۋبەكتىلەرىنە جادىنامالار تاراتىلۋدا.
دەپارتامەنت باعانى تۇراقتاندىرۋ بويىنشا جەدەل شارالار قابىلداۋدا جانە قالانىڭ ساۋدا جەلىلەرى مەن ءىرى سۋپەرماركەتتەرىندە وتكىزىلگەن كەشەندى ءىس-شارالاردىڭ ناتيجەلەرى بويىنشا الەۋمەتتىك ماڭىزى بار ازىق-تۇلىك تاۋارلارىنا باعانى تومەندەتۋ بويىنشا وڭ ديناميكا بايقالۋدا.
سونداي-اق، ازىق-تۇلىك تاۋارلارىنا باعا بەلگىلەۋدىڭ بۇكىل تىزبەگى بويىنشا دەلدالدىق سحەمالاردى تەرگەۋ جونىندەگى وڭىرلىك كوميسسيانىڭ وتىرىستارى تۇراقتى نەگىزدە وتكىزىلەدى.
كوميسسيا اياسىندا دەپارتامەنت كوميسسيا مۇشەلەرىمەن بىرلەسىپ باعا بەلگىلەۋدى باقىلاۋ بويىنشا مونيتورينگتەر، ساۋدا ۇستەمەسىنىڭ 15% ساقتاۋ بويىنشا ءتۇسىندىرۋ جۇمىستارىن، ەلەكتروندىق شوت-فاكتۋرالارعا تالداۋ جۇرگىزەدى، بۇزۋشىلىقتارعا جول بەرگەن كاسىپكەرلىك سۋبەكتىلەرىنە قاتىستى مەملەكەتتىك باقىلاۋ فۋنكسيالارى ىسكە اسىرىلادى.
اعىمداعى جىلدىڭ باسىنان باستاپ «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 204-4-بابىنا سايكەس، ساۋدا ۇستەمەسىنىڭ 15% - دان اسقانى ءۇشىن «مەترو كەش ەند كەرري» ج ش س، ا-ستور سۋپەرماركەتتەر جەلىسى، «Food Beverage Trading» ج ش س، My Mart سۋپەرماركەتتەر جەلىسى، «Mix Market Trade» ج ش س، Carefood سۋپەرماركەتى، JLC ساۋدا جەلىسى، «Good Luck Trade» ج ش س، «Airba Fresh» ج ش س، ستوليچنىي، يۋبيلەينىي سۋپەرماركەتتەر جەلىسى، بەككەر سۋپەرماركەتتەر جەلىسى، Galmart سۋپەرماركەتتەر جەلىسى سياقتى ءىرى كاسىپكەرلىك سۋبەكتىلەرىنە جانە وزگە دە كاسىپكەرلىك سۋبەكتىلەرىنە قاتىستى اكىمشىلىك سيپاتتاعى شارالار قابىلداندى، ولارعا قاتىستى جۇرگىزىلگەن جوسپاردان تىس تەكسەرۋلەردىڭ ناتيجەلەرى بويىنشا جالپى سوماسى 27 ملن.تەڭگەدەن اساتىن 335 اكىمشىلىك حاتتاما جاسالدى.
سونىمەن قاتار، ساۋدا بازارلارىنىڭ قىزمەتىن ۇيىمداستىرۋ بويىنشا ساۋدا قىزمەتىن رەتتەۋ، ساۋدا ورىندارىن بەرۋ ءتارتىبى مەن شارتتارىن قامتيتىن بەكىتىلگەن جۇمىس رەگلامەنتىنىڭ بولماۋى ماسەلەسى بويىنشا قالانىڭ ساۋدا بازارلارىمەن ءتۇسىندىرۋ جۇمىستارى جۇرگىزىلۋدە.
سونداي-اق، قالانىڭ ءبىرقاتار ساۋدا بازارلارى بەكىتىلگەن رەگلامەنتتىڭ بولماۋىنا بايلانىستى «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 204-2-بابىنا سايكەس اكىمشىلىك جاۋاپكەرشىلىككە تارتىلدى.