كۇدىكتى 30 جاستاعى ت.ەسىمدى ازامات كىناسىن مويىنداعان.
الماتىلىق پوليسەيلەر كولىك جۋۋ ورنىنىڭ كاسساسىنان اقشا ۇرلاعان كۇدىكتىنى ۇستادى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
جانسۇگىروۆ كوشەسىندەگى كولىك جۋۋ ورنىنىڭ كاسساسىنان 500 مىڭ تەڭگە ۇرلانعاندىعى تۋرالى قىلمىستىق ءىس جەتىسۋ اۋداندىق پب-عا تىركەلدى. وسى قىلمىستى جاسادى دەگەن كۇدىكپەن 30 جاستاعى ت.ەسىمدى ازامات ۇستالدى.
«جەدەل-ىزدەستىرۋ شارالارىنىڭ ناتيجەسىندە كۇدىكتى ۇستالدى. ول كولىك جۋۋ مەكەمەسىنىڭ جۇمىسشىلارىنىڭ جوقتىعىن پايدالانىپ، 500 مىڭ تەڭگەنى ۇرلاعانى بەلگىلى بولدى. اقشانى جەكە قاجەتتىلىكتەرىنە جۇمساعان. ۇرلىق بولعان ءسات كامەرالارعا ءتۇسىپ قالعان. كۇدىكتىگە قاتىستى ق ر قك-نىڭ 188-بابىندا (ۇرلىق) بويىنشا كوزدەلگەن قىلمىس بەلگىلەرى بويىنشا قىلمىستىق ءىس تەرگەلۋدە. ول ءوز ءىسىن مويىندادى»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.