گانسۋ پروۆينسياسىندا بولعان جويقىن جەر سىلكىنىسىنەن كوپ ادام قازا تاپتى.
سوعان بايلانىستى مەملەكەت باسشىسى قحر ءتوراعاسى سي سزينپينگە كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنت قاسىم-جومارت توقايەۆ قىتايدىڭ سولتۇستىك-باتىسىندا بولعان جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى جۇڭگو حالىق رەسپۋبليكاسىنىڭ ءتوراعاسى سي سزينپينگە كوڭىل ايتتى.
«ەلىڭىزدىڭ گانسۋ پروۆينسياسىندا بولعان جويقىن جەر سىلكىنىسى سالدارىنان كوپتەگەن وتانداستارىڭىزدىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىلدادىم. وسىنداي قيىن ساتتە سىزگە جانە تابيعي اپاتتا جاقىندارىنان ايىرىلعان وتباسىلارعا كوڭىل ايتا وتىرىپ، جۇڭگو حالقىنىڭ قايعى-قاسىرەتىنە قازاقستاندىقتار ورتاق ەكەنىن جەتكىزەمىن. ءزىلزالا كەزىندە زارداپ شەككەن جاندار تەز ارادا ساۋىعىپ، ءىز-تۇسسىز جوعالعان ازاماتتاردىڭ وتباسىلارىنا امان-ەسەن ورالۋىنا تىلەكتەسپىن»، – دەپ جازىلعان جەدەلحاتتا.