رەسپۋبليكالىق "ءقاۋىپتى جۇرگىزۋشى" جەدەل-پروفيلاكتيكالىق ءىس-شاراسى بارىسىندا الماتى قالاسىنىڭ پاترۋلدىك پوليسيا قىزمەتكەرلەرى سوت شەشىمىمەن كولىك قۇرالىن باسقارۋ قۇقىعىنان ايىرىلعان تۇلعانىڭ قايتادان رولگە وتىرعانىن انىقتادى، - دەپ حابارلايدى Aqshamnews.kz.
سول كەزدە قۇقىق بۇزۋشى كولىك باسقارۋدان شەتتەتىلىپ، وعان قازاقستان رەسپۋبليكاسىنىڭ زاڭناماسىنا سايكەس اكىمشىلىك ىقپال ەتۋ شارالارى قولدانىلدى. سوت شەشىمىمەن اكىمشىلىك جازا رەتىندە قاماۋعا الۋ تاعايىندالعان.
- زاڭ مەن ءتارتىپ قاعيداتى – ءبىزدىڭ قىزمەتىمىزدىڭ باستى نەگىزى. جۇرگىزۋشى كۋالىگىنەن ايىرىلعان تۇلعالاردىڭ كولىك باسقارۋى اينالاداعى ازاماتتاردىڭ قاۋىپسىزدىگىنە تىكەلەي قاتەر توندىرەدى. مۇنداي زاڭ بۇزۋشىلىقتارعا قاتاڭ ءارى ءپرينسيپتى تۇردە، ەشقانداي ەرەكشەلىكسىز توسقاۋىل قويىلادى، – دەپ تۇيىندەدى الماتى قالاسى پوليسيا دەپارتامەنتى اكىمشىلىك پوليسيا باسقارماسىنىڭ باستىعى سەرىك شۋمايەۆ.
سونداي-اق شۋمايەۆ ول جەدەل-پروفيلاكتيكالىق ءىس-شارانىڭ ماقساتى - تەك ورەسكەل قۇقىق بۇزۋشىلىقتاردى انىقتاۋ عانا ەمەس، جول-كولىك وقيعالارىنىڭ الدىن الۋ ەكەنىن اتاپ ءوتتى.