الماتى قالاسىن سيفرلاندىرۋ.
بۇل جايىندا قالا اكىمى ەربولات دوسايەۆتىڭ قاتىسۋمەن وتكەن مءاسليحات سەسسياسىندا الماتى قالاسىنىڭ 2023-2025 جىلدارعا ارنالعان بيۋدجەت جوباسىن قاراۋ بارىسىندا ايتىلدى، دەپ حابارلايدى Almaty-akshamy.kz.
قازىرگى ۋاقىتتا قالالاردىڭ باسەكەگە قابىلەتتىلىگىن انىقتاۋداعى نەگىزگى كريتەرييلەردىڭ ءبىرى ونى سيفرلاندىرۋ دەڭگەيى بولىپ تابىلادى.
نەگىزگى جوبا الماتى قالاسىنىڭ «سيفرلىق ەگىزىن» ەنگىزۋ بولىپ تابىلادى. ول بارلىق سمارت-سيتي جوبالارىن ورتاق پلاتفورماعا بىرىكتىرىپ، ءبىرىڭعاي دەرەكتەر قويماسىن دامىتۋى ءتيىس.
بۇل جوبا كوممۋنالدىق قىزمەتتەر، مەملەكەتتىك ورگاندار جانە باسقا دا جەكە كومپانيالاردىڭ دەرەكتەرىن دۇرىس ينتەگراسيالاۋ ارقىلى قالانى باسقارۋ ساپاسىن جانە ازاماتتاردىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى. ءبىرىنشى كەزەڭدى 2023 جىلى ىسكە قوسۋ جوسپارلانىپ وتىر، وعان 956 ملن. تەڭگە قاراستىرىلعان.
«2023 جىلى تۇرعىندار ءۇشىن قوسىمشا پرواكتيۆتى سەرۆيستەردى ىسكە قوسۋدى ويلاستىرىپ وتىرمىز. جىل سوڭىنا دەيىن ادامدار كوپ جينالاتىن ورىنداردا 3 050 بەينەكامەرا، اۋلالار مەن پودەزدەردە 4 244 بەينەكامەرا ورناتىلادى (0،8 ملن. تەڭگە).
سونداي-اق بۇگىندە سينتەتيكالىق ەسىرتكى تاراتۋشىلار اراسىندا بەلگىلى كەڭساي شاعىن اۋدانىندا قوسىمشا 223 بەينەكامەرا ورناتىلادى»، - دەدى قالا اكىمى ەربولات دوسايەۆ.
جول قوزعالىسىندا قاۋىپسىزدىكتى قامتاماسىز ەتۋ ءۇشىن 2023 جىلدىڭ ساۋىرىنە قاراي جەلىلىك ۋچاسكەلەر مەن قيىلىستاردا قوسىمشا 575 سەرگەك ورناتۋ جوباسى (3،3 ملرد. تەڭگە) اياقتالادى.
تۇرعىندار قالانىڭ كەز كەلگەن جەرىندە وزدەرىن ءقاۋىپسىز جانە جايلى سەزىنۋى ءۇشىن كەلەسى جىلى مەملەكەتتىك-جەكەشەلىك ارىپتەستىك اياسىندا ادامدار كوپ جينالاتىن ورىندارعا قوسىمشا 6 000 بەينەكامەرا ورناتۋ جوسپارلانۋدا.
قالالىق بەينەباقىلاۋ كامەرالارىنان الىنعان جازبالاردى ورتالىقتان باسقارۋ جانە ۆيدەولاردى تالداۋ ءۇشىن ولار ءبىرىڭعاي بەينەمونيتورينگ جۇيەسىندە جيناقتالادى، وعان 1،2 ملرد. تەڭگە كوزدەلگەن.