الماتى قالاسىنىڭ № 2 بالالار قالالىق كلينيكالىق اۋرۋحاناسىنىڭ دارىگەرلەرى ماستەر-كلاسس شەڭبەرىندە قىتايدان كەلگەن ماماننىڭ قاتىسۋىمەن جامباس ورگاندارىنىڭ فۋنكسيالارى اۋىر بۇزىلعان 15 جانە 17 جاستاعى جاسوسپىرىمدەرگە ەكى وتا جۇرگىزدى.
ناۋقاستارعا جۇلىننىڭ تۋا بىتكەن اقاۋى دياگنوزى قويىلعان: بەل ايماعىنداعى spina bifida. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، spina bifida جيىلىگى 1000 جاڭا تۋعان نارەستەگە 1-2 جاعدايدى قۇرايدى.
№2 بقكا ديرەكتورى مارات راباندياروۆ حابارلاعانداي، اۋىر دياگنوز تەك فيزيكالىق جۇكتەمە كەزىندە جانە تومەنگى اياقتارداعى السىزدىكپەن عانا ەمەس، سونىمەن قاتار ءزار شىعارۋ مەن دەفەكاسيانىڭ ايقىن بۇزىلۋىمەن دە ءجۇردى.
مۇنداي جاعدايلار بالانىڭ كۇندەلىكتى بەلسەندىلىگىن، سپورتپەن شۇعىلدانۋىن ەداۋىر شەكتەيدى، سونىمەن قاتار الەۋمەتتىك جانە پسيحولوگيالىق وقشاۋلانۋعا اكەلەدى. بۇل جاعدايلاردا كونسەرۆاتيۆتى ەمدەۋ كۇتىلەتىن ناتيجە بەرمەدى.
ساكرالدى نەيروستيمۋلياسيا-بۇل كونسەرۆاتيۆتى تەراپيا ءتيىمسىز بولعان كەزدە قولدانىلاتىن جامباس مۇشەلەرىنىڭ فۋنكسياسىنىڭ بۇزىلۋىن حيرۋرگيالىق ەمدەۋدىڭ زاماناۋي ءادىسى.
وتا كەزىندە ناۋقاستارعا ساكرالدى ومىرتقاعا ساكرالدى ستيمۋلياتورلار ورناتىلدى. حيرۋرگيالىق ارالاسۋدى №2 بقكا نەيروحيرۋرگتارى د.ا. سابدەنالييەۆ، ا. ا. جايلعانوۆ، ر. ك. تانساروۆا، انەستەزيولوگ-دارىگەر ج. ج. شولاحوۆ پەن وتالىق مەدبيكە ب. د. شاگەنوۆا، شاقىرىلعان مامان، پروفەسسور Yonghui Guan قولداۋىمەن ورىندادى.
ناۋقاستاردى ىرىكتەۋدى، سونداي-اق ستيمۋلياتوردىڭ جۇمىسىن كەيىننەن سۇيەمەلدەۋدى جانە باپتاۋدى نيەۆروپاتولوگ-نەيروفيزيولوگگ.ن. كاسەنوۆا جۇزەگە اسىرادى.
گۇلنۇر قاسەنوۆانىڭ ايتۋىنشا، وتادان كەيىنگى كەزەڭدە ناۋقاستاردى ەمدەۋدىڭ وڭ ناتيجەلەرى، اتاپ ايتقاندا، ءزار شىعارۋ فۋنكسياسىنىڭ جاقسارۋى بايقالادى، بۇل ءومىر ساپاسىن ەداۋىر ارتتىرادى.
الەمنىڭ جەتەكشى كلينيكالارىندا كەڭىنەن قولدانىلاتىن بۇل ءادىستى ەلدەگى ەڭ ءىرى بالالار مەديسينالىق ۇيىمدارىنىڭ ءبىرىنىڭ حيرۋرگيالىق تاجىريبەسىنە ەنگىزۋ وتاندىق دەنساۋلىق ساقتاۋ ءۇشىن ماڭىزدى وقيعا بولىپ تابىلادى جانە وسىنداي كومەككە مۇقتاج بالالارعا ءومىر ءسۇرۋ ساپاسىن جاقسارتۋعا ناقتى مۇمكىندىك بەرەدى.
جوعارى تەحنولوگيالىق وتالار بالالارعا مىندەتتى الەۋمەتتىك مەديسينالىق ساقتاندىرۋ شەڭبەرىندە جۇرگىزىلەدى. ەستەرىڭىزگە سالا كەتەيىك، بارلىق بالالار ءمامس جۇيەسىندە مەملەكەتپەن ساقتاندىرىلعان.