قازاقستاننىڭ رەسپۋبليكالىق ماڭىزى بار اۆتوجولدارىندا وتكەن جەدەل-پروفيلاكتيكالىق شارالار كەزىندە جالعان، جاسىرىلعان، وقىلمايتىن نەمەسە دۇرىس ورناتىلماعان مەملەكەتتىك ءنومىرى بار 900-گە جۋىق كولىك انىقتالدى، دەپ حابارلايدى Aqshamnews.kz ءتىلشىسى.
مەملەكەتتىك ءنومىر – كولىكتىڭ مىندەتتى سايكەستەندىرۋ بەلگىسى. ول كەز كەلگەن ۋاقىتتا انىق كورىنىپ، وڭاي وقىلۋعا ءتيىس. جۇرگىزۋشى ءنومىردىڭ تازا بولۋىن جانە دۇرىس بەكىتىلۋىن قاداعالاۋعا مىندەتتى. ال ءنومىرسىز ءجۇرۋ، ءنومىردى قولدان جاساۋ نەمەسە وزگەرتۋ، سونداي-اق ونى وقۋعا كەدەرگى كەلتىرەتىن قۇرىلعىلاردى پايدالانۋ جول ەرەجەسى مەن زاڭ تالاپتارىن بۇزۋعا جاتادى.
شارا پوليسيا، كولىك پروكۋراتۋراسى جانە «قازاۆتوجول» ۇك» اق فيليالدارىمەن بىرلەسىپ ۇيىمداستىرىلعان. ماقسات – جول قاۋىپسىزدىگىن ارتتىرىپ، قۇقىقبۇزۋشىلىقتىڭ الدىن الۋ.
2026 جىلعى 1 قاڭتاردان باستاپ 1 اەك مولشەرى 4 325 تەڭگە. اقبتك-نىڭ 590-بابى بويىنشا:
-
ءنومىرى وقىلمايتىن نە دۇرىس ورناتىلماعان جاعدايدا – 5 اەك (21 625 تگ)؛
-
ءنومىرسىز نەمەسە تىركەلمەگەن كولىكپەن ءجۇرۋ – 10 اەك (43 250 تگ)؛
-
ءبىر جىل ىشىندە قايتالانسا – 20 اەك (86 500 تگ) نەمەسە 1 جىلعا جۇرگىزۋشى كۋالىگىنەن ايىرۋ؛
-
قولدان جاسالعان ءنومىر ورناتۋ – 15 اەك (64 875 تگ)؛
-
جالعان نومىرمەن نەمەسە تانۋعا كەدەرگى كەلتىرەتىن قۇرىلعىمەن ءجۇرۋ – 5 تاۋلىككە دەيىن اكىمشىلىك قاماۋ جانە 1 جىلعا قۇقىقتان ايىرۋ قاراستىرىلعان.
ماماندار جۇرگىزۋشىلەرگە جولعا شىعار الدىندا ءنومىردىڭ تازالىعىن تەكسەرىپ، بەرىك بەكىتىلگەنىنە كوز جەتكىزۋگە كەڭەس بەرەدى.