بۇگىن الماتىدا بولعان جەر سىلكىنىسىنەن كەيىن مەترو قىزمەتى ۋاقىتشا توقتاتىلدى، دەپ حابارلايدى aqshamnews.kz
مەتروپوليتەننىڭ رەسمي حابارلاماسىندا بىلاي دەلىنگەن:
"جەر سىلكىنىسىنە بايلانىستى الماتى مەتروپوليتەنى ۋاقىتشا جۇمىسىن توقتاتتى. قازىرگى ۋاقىتتا توتەنشە جاعدايلار قىزمەتىنىڭ ماماندارى نىساندى قاۋىپسىزدىك تالاپتارىنا ساي تولىق تەكسەرىپ جاتىر. تەكسەرۋ اياقتالىپ، تجم رۇقسات بەرگەننەن كەيىن مەترو جۇمىسى قايتا جانداندىرىلادى. جاڭارتىلعان اقپاراتتى ءبىزدىڭ رەسمي پاراقشامىزدان باقىلاپ وتىرىڭىزدار."
مەترونىڭ ۋاقىتشا توقتاتىلۋى — جولاۋشىلاردىڭ قاۋىپسىزدىگىن قامتاماسىز ەتۋ ماقساتىنداعى شارا.