Rixos Almaty قوناق ۇيىندە WHERETOEAT KAZAKHSTAN 2025 حالىقارالىق مەيرامحانا پرەمياسىنىڭ ءۇشىنشى مارتە ماراپاتتاۋ ءراسىمى ءوتتى.
سالتاناتتى شاراعا ەلىمىزدىڭ جەتەكشى رەستوراتورلارى مەن شەف-اسپازدارى، سومەلە مەن بارمەندەرى، ۆينودەلدەر، ينفليۋەنسەرلەر مەن سالانىڭ مەديا وكىلدەرى قاتىستى. ءداستۇرلى مەرەكەلىك اتموسفەرادا قوناقتار ەركىن اڭگىمەلەسىپ، اسەر الماسىپ، قازاقستاننىڭ ۇزدىك گاسترونوميالىق جوبالارىن قۇتتىقتادى.
رەسمي ءبولىم بارىسىندا قازاقستان رەسپۋبليكاسىنىڭ ۇزدىك مەيرامحانالارىنىڭ رەيتينگى، سونداي-اق «جىل مەيرامحاناسى» جاريالاندى. بۇدان بولەك، ارنايى نوميناسيالار بويىنشا جەڭىمپازدار ماراپاتتالدى.
WHERETOEAT KAZAKHSTAN مەيرامحانا پرەمياسىنىڭ باس سەرىكتەسى — METRO.
توپ-10 ۇزدىك مەيرامحانالار:
1. AUYL، الماتى
2. Rifugio del Monte، الماتى
3. Selfie، استانا
4. Nuala، الماتى
5. «وگونەك»، الماتى
6. La Barca Fish&Wine، الماتى
7. Qazaq Gourmet، استانا
8. SPIROS، الماتى
9. «حوروشيي گود»، الماتى
10. Astra Grand Cafe، الماتى
ارنايى جانە جەكە نوميناسيالار بويىنشا جەڭىمپازدار:
«جىلدىڭ شەف-اسپازى» نوميناسياسىن – Lavka by Proshenkov جوباسىنىڭ نەگىزىن قالاۋشى الەكساندر پروشەنكوۆ (الماتى) يەلەندى.
«جىلدىڭ شەف-كونديتەرى» بولىپ اننا لوبانوۆا (ABR، الماتى) تانىلدى. نوميناسيانىڭ رەسمي سەرىكتەسى – بەلگيالىق Callebaut شوكولاد برەندى.
قازاقستاننىڭ ۇزدىك سومەلەسى – الماتىلىق Abay جانە Inzhu مەيرامحانالارىنىڭ ۆيندىق كارتاسىنا جاۋاپتى الەكساندر اۆەريانوۆ. نوميناسيانى Chateau Silk Alley شاراپ ءوندىرۋشىسى قولدايدى.
«جىل بارى» ارنايى نوميناسياسىنىڭ جەڭىمپازى – الماتىداعى Gruppo 63. سەرىكتەسى — LADOGA كومپانياسى، Barrister Gin برەندى.
«ب ا ق تاڭداۋى» نوميناسياسىندا (جەڭىمپاز قازاقستان مەديا وكىلدەرىنىڭ داۋىس بەرۋىمەن انىقتالدى) ۇزدىك دەپ Akami مەيرامحاناسى تانىلدى.
«ۇزدىك قازاق ۇلتتىق اسحاناسى» ارنايى نوميناسياسىندا الماتىداعى Sandyq مەيرامحاناسى جەڭىسكە جەتتى. نوميناسيانىڭ سەرىكتەسى — Rixos Almaty قوناق ءۇيى.
Choice of METRO ارنايى نوميناسياسىنىڭ جەڭىمپازى – الماتىداعى AUYL مەيرامحاناسى. سەرىكتەسى – METRO حالىقارالىق كوتەرمە جەلىسى.
الماتىنىڭ COCO مەيرامحاناسى WE FRY ON FIRE ارنايى نوميناسياسىندا باتىل ءارى كرەاتيۆتى ستريتفۋد-كونسەپسيالارى ءۇشىن ماراپاتتالدى. سەرىكتەسى — WE FRY كارتوپ فري ءوندىرۋشىسى.
ەسكە سالا كەتەيىك، جالپى لونگ-ليستكە WHERETOEAT KAZAKHSTAN 2025 پرەمياسىنا ساراپشىلار داۋىس بەرۋ بارىسىندا اتاعان 9 قالاداعى 208 مەيرامحانا ەندى. باسىم بولىگى الماتى مەن استانادان، سونداي-اق اقتاۋ، اتىراۋ، پەتروپاۆل، شىمكەنت، وسكەمەن، قوستاناي جانە قاراعاندى قالالارىنان قاتىستى. جالپى، شورت-ليستكە ەڭ كوپ بالل جيناعان 53 مەيرامحانا كىردى.
يرينا تيۋسونينا،
پرەميانىڭ نەگىزىن قالاۋشى جانە باس پروديۋسەرى:
– ءبىز ءۇشىن WHERETOEAT پرەمياسى – ەڭ الدىمەن ءوز ىسىنە ادال جانكەشتى مامانداردى بىرىكتىرگەن ۇلكەن گاسترونوميالىق وتباسىنىڭ مەرەكەسى. ءبىز جەڭىمپاز اتانعان جاندارمەن قاتار، جوباعا قاتىسقان ءاربىر قاتىسۋشىنى دوسىمىز سەكىلدى قۇرمەتتەيمىز.
قازاقستان — باي مادەنيەتى مەن جارقىن ۇلتتىق اسحاناسى بار ەل. بىرەگەي داستۇرلەر ەرەكشە ءدام پاليتراسىن قالىپتاستىرادى. سوندىقتان ءبىزدىڭ ميسسيا – گاسترونوميا ارقىلى مادەني كوپىر سالۋ. ويتكەنى اس ءۇي – قازاقستاننىڭ دارالىعىن الەمگە تانىتۋدىڭ ەڭ شىنايى، ەڭ قوناقجاي جانە ەڭ جارقىن ءتاسىلى. وسى ۇلكەن ميسسيادا سىزدەردى بارلىعىڭىزدى جەڭىمپاز دەۋگە بولادى.
پرەميا تۋرالى بىرەر ءسوز:
WHERETOEAT KAZAKHSTAN – بۇل ەلدەگى ۇزدىك مەيرامحانالارىنا ارنالعان جىل سايىنعى رەيتينگ. ونى قازاقستاندا تۇراتىن جانە جۇمىس ىستەيتىن رەستوراتورلار، وتەلەرلەر، شەف-اسپازدار، سومەلە، ۆينودەلدەر، بارمەندەر، بيزنەس وكىلدەرى، بەدەلدى جۋرناليستەر مەن بلوگەرلەردەن قۇرالعان كەڭەيتىلگەن ساراپشىلار القاسىنىڭ جاسىرىن داۋىس بەرۋى ارقىلى انىقتايدى.
پرەميا رەگلامەنتىنە سايكەس، ساراپشىلار قازاقستانداعى كەز كەلگەن جۇمىس ىستەپ تۇرعان مەيرامحاناعا داۋىس بەرە الادى. مەيرامحانالاردان ءوتىنىم قابىلدانبايدى. بۇل رەتتە ساراپشىلار ءوز تاڭداۋلارىن ەركىن جاسايدى.
پرەميانىڭ ميسسياسى – مەيرامحانا يندۋسترياسىنىڭ دامۋىنا ىقپال ەتۋ، تالانتتى ماماندارعا جاڭا مۇمكىندىكتەر بەرۋ جانە ەرەكشە، وزەكتى جوبالارعا نازار اۋدارتۋ.
سونىمەن بىرگە پرەميا ۇلتتىق اسحانانىڭ، داستۇرلەردىڭ جانە گاسترونوميالىق يننوۆاسيالاردىڭ دامۋىنا ۇلەس قوسىپ، قازاقستاننىڭ حالىقارالىق دەڭگەيدەگى تۋريستىك تارتىمدىلىعىن ارتتىرادى. ءاسىرەسە بۇگىندە تانىمال گاستروتۋريزم باعىتىنداعى بيزنەستىڭ دامۋىنا ۇلەس قوسادى.
رەستوراندىق ەكوجۇيە اراسىنداعى بايلانىستاردىڭ نىعايۋى، سالانىڭ حالىقارالىق ارەنادا تانىلۋى جانە ءتۋريزمنىڭ دامۋى ەل ەكونوميكاسىنا وڭ اسەر ەتەدى.
جاڭا باس سەرىكتەس – METRO Kazakhstan
METRO Kazakhstan – بيزنەس-كليەنتتەر مەن رەستوراتورلارعا ارنالعان جەتەكشى حالىقارالىق كوتەرمە جەلىسى.
WHERETOEAT-پەن سەرىكتەستىك مەيرامحانا يندۋسترياسىن دامىتۋعا جانە قوناقجايلىق سالاسىنىڭ ماماندارىن قولداۋعا باعىتتالعان.
ورتاق ميسسيا – سالا ليدەرلەرى مەن جاڭا بۋىن شەفتەرىن ءبىر الاڭدا توعىستىرىپ، گاسترونوميالىق مادەنيەتتى دامىتۋ جانە كاسىبي قاۋىمداستىقتى نىعايتۋ.
WHERETOEAT KAZAKHSTAN 2025 پرەمياسىنىڭ باس اقپاراتتىق سەرىكتەستەرى – Almaty Aqshamy مەن «ۆەچەرنيي الماتى» گازەتتەرى.