ق ر توتەنشە جاعدايلار مينيسترلىگى «سەيسمولوگيالىق زەرتتەۋ ينستيتۋتى» ءجشس-نىڭ سەيسميكالىق ستانسيالار جەلىسى 2025 جىلى 4 جەلتوقساندا، استانا ۋاقىتىمەن 12:45-تە جەر سىلكىنىسىن تىركەدى.
ءزىلزالا وشاعى الماتىدان وڭتۇستىك-شىعىسقا قاراي 277 كم قاشىقتا، جۇڭگو اۋماعىندا ورنالاسقان. ماگنيتۋداسى - MPV 6.7، تەرەڭدىگى - 5 كم.
الماتىدا دۇمپۋلەر MSK-64 شكالاسى بويىنشا 3 بالل دەڭگەيىندە سەزىلدى.
قالادا دابىل ىسكە قوسىلدى. ساۋدا ورتالىقتارى مەن مەكتەپتەر، كوللەدجدەر، جوو مەن قوعامدىق ورىنداردا ەۆاكۋاسيا قالىپتى جاعدايدا ءوتتى.
الماتى تجد مالىمەتىنشە،پوليسيا دەپارتامەنتىنىڭ پاترۋلدىك كولىكتەرى مەن ءورت ءسوندىرۋ بولىمدەرىنىڭ ارنايى تەحنيكالارى قالا اۋماعىن ارالاپ تەكسەرۋ جۇمىستارىن جۇرگىزىپ جاتىر. گيدروبەكەت باقىلاۋشىلارى جانە ينجەنەرلىك-تەحنيكالىق ماماندار الگوريتمگە سايكەس وزەن ارنالارىن جانە نىساندارىن تەكسەرۋدى جالعاستىرادى.
ءتجم-نىڭ "قازسەلدەنقورعاۋ" مەملەكەتتىك مەكەمەسىنىڭ ماماندارى وزەن ارنالارىنىڭ، گيدروتەحنيكالىق قۇرىلىمداردىڭ، سونداي-اق كوشكىن جانە سەل ءقاۋپى بار ايماقتاردى باقىلاۋعا العان.
سونىمەن قاتار، تۇرعىنداردى قامتاماسىز ەتەتىن ينفراقۇرىلىم نىساندارىنىڭ زاقىمدانعانى-زاقىمدانباعانىن انىقتاۋ ءۇشىن ۆيزۋال تەكسەرىس قولعا الىندى. ءقازىر بۇل نىساندار قالىپتى جۇمىس ىستەپ تۇر.
زارداپ شەككەندەر نەمەسە قيراعان نىساندار تۋرالى اقپارات تۇسكەن جوق.