الماتىدا جەلتوقساننىڭ باسىندا قانداي قىزىق ءىس-شارالار وتەدى؟ قايدا بارىپ دەمالۋعا بولادى؟ تولىعىراق اqshamnews.kz ماتەريالىندا.
كونسەرتتەر
وسى دەمالىستا بىرنەشە كونسەرت جوسپارلانعان:
- 6 جەلتوقساندا "قىسقى ەرتەگى: LEVEL UP FEST 2025" كەشى وتەدى. وندا Ninety One، GHETTO DOGS، Yenlik، HatikoAli سىندى انشىلەر ونەر كورسەتەدى. بيلەتتەر مىنا جەردە.
- 6 جانە 7 جەلتوقساندا ەسكى اندەر كەشى جوسپارلانعان. Kosmuse توبى سۇيىكتى ەسكى اندەردى جاڭا اۋەنمەن ورىندايدى. بيلەتتەردى مىنا سىلتەمە ارقىلى ساتىپ الۋعا بولادى.
تەاتر
عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا:
- 5 جەلتوقساندا "اپكە"
- 6 جەلتوقساندا "شيە باعى"
- 7 جەلتوقساندا "تويى كوپ ءۇي" سپەكتاكلدەرى قويىلادى.
اباي اتىنداعى قازاق ۇلتتىق وپەرا جانە بالەت تەاترىندا:
- 6 جەلتوقساندا چايكوۆسكييدىڭ "ششەلكۋنچيك" بالەتى؛
- 7 جەلتوقساندا احمەت جۇبانوۆ پەن لاتيف ءحاميديدىڭ "اباي" وپەراسى قويىلادى.
كينو
الماتىدا جەلتوقساننىڭ باسىندا قىدىراتىن ورىنداردان بولەك، قازاقستاندىق "№37" دراماسىن، "Bayguys" كومەدياسىن جانە "اڭدار شاھارى 2" ءمۋلتفيلمىن تاماشالاۋعا بولادى.
Stand-up
- 5 جەلتوقساندا الەمگە تانىمال قازاقستاندىق ستەنداپەر ەۆگەنيي چەباتكوۆ ونەر كورسەتەدى! بيلەتتەر مىنا جەردە.
- 7 جەلتوقساندا Apta Ne Did جوباسىنىڭ ءتۇسىرىلىمى وتەدى. وندا كوميكتەر كەيىنگى اپتا جاڭالىقتارىنا شولۋ جاساپ، ءازىل ارقىلى تالدايدى.
بۇدان باسقا
دۇيسەنبى-جۇما ارالىعىندا شاكەن ايمانوۆ اتىنداعى "قازاقفيلم" ۇلتتىق كينوستۋدياسىندا ەكسكۋرسيا جاسالادى. ساعات 9:00-17:00 ارالىعىندا كينوستۋديا اۋماعىن ارالاپ، تاريحىمەن تانىسا الاسىزدار.