الماتىدا «جاسىل موبيلدىلىك اپتالىعى» اشىلادى. بۇل «تازا قازاقستان» جوباسى اياسىنداعى قايىرىمدىلىق ءىس-شاراسى، ونى Yutong كومپانياسى الماتى قالاسى اكىمدىگى جانە جۇڭگو حالىق رەسپۋبليكاسىنىڭ الماتىداعى باس كونسۋلدىعىمەن بىرلەسىپ ۇيىمداستىرادى. سالتاناتتى اشىلۋ ءراسىمى 16 تامىزدا ساعات 17:00-دە پانفيلوۆ كوشەسىندە وتەدى.
ءىس-شارانىڭ تاقىرىبى «Let’s Go Green – Yutong الماتى قالاسى اكىمدىگى جانە قىتايدىڭ الماتىداعى باس كونسۋلدىعىمەن بىرگە قالانىڭ ەكولوگياسىن قورعاۋعا ۇلەس قوسادى». باستى ماقسات – ەكولوگيالىق تازا كولىك تۇرلەرىن ناسيحاتتاۋ جانە قورشاعان ورتانى قورعاۋ ماسەلەسىنە قوعام نازارىن اۋدارۋ. ۇيىمداستىرۋشىلاردىڭ پىكىرىنشە، مەگاپوليستىڭ بولاشاعى جاسىل كولىكتە، ال وزگەرىس ءار ادامنىڭ سانالى تۇردە تاڭداۋىنان باستالادى.
قوناقتار ءۇشىن مازمۇندى ءارى ينتەراكتيۆتى باعدارلاما ازىرلەندى:
• «ۆەلوسيپەد-دروبيلكا» – پلاستيكالىق قالدىقتاردى پەدال قۋاتىنىڭ كومەگىمەن قايتا وڭدەۋدىڭ ەرەكشە ءتاسىلى؛
• پلاستيكتى قايتا وڭدەۋ بويىنشا شەبەرلىك ساباعى جانە ەكىنشى رەت وڭدەۋ تەحنولوگياسىمەن تانىستىرۋ؛
• VR-تاجىريبە – جاسىل تەحنولوگيا الەمىنە ۆيرتۋالدى ساياحات؛
• «جاسىل كولىك» بالالارعا ارنالعان شەبەرلىك ساباعى، ەڭ كىشكەنتاي قاتىسۋشىلارعا ارنالعان شىعارماشىلىق ءىس-شارا؛
• Yutong كومپانياسى، اكىمدىك جانە قحر باس كونسۋلدىعى وكىلدەرىمەن تانىسۋ مەن پىكىر الماسۋ.
ءىس-شارا باعدارلاماسى:
• 16:45–17:00 – قاتىسۋشىلاردىڭ جينالۋى
• 17:00–17:05 – جۇرگىزۋشىنىڭ كىرىسپە ءسوزى
• 17:05–17:15 – الماتى قالاسى اكىمدىگى وكىلىنىڭ ءسوزى
• 17:15–17:25 – جۇڭگو حالىق رەسپۋبليكاسىنىڭ الماتىداعى باس كونسۋلدىعى وكىلىنىڭ قۇتتىقتاۋ ءسوزى
• 17:25–17:35 – Yutong كومپانياسىنىڭ وكىلى ءىس-شارا باعدارلاماسىن تانىستىرادى
• 17:35–17:40 – تاسپا قيۋ ءراسىمى
• 17:40–17:45 – ەستەلىككە سۋرەتكە ءتۇسۋ
• 17:45–18:30 – بارلىق قوناققا ارنالعان ەكولوگيالىق بەلسەندىلىكتەر
ۇيىمداستىرۋشىلار الماتى تۇرعىندارى مەن قوناقتارىن اپتا بويى وتەتىن ءىس-شارالارعا قاتىسىپ، ەكولوگيالىق كولىك ءتۇرىن قولدانىپ كورۋگە جانە ەكولوگياعا قامقور بولۋدىڭ قىزىقتى ءارى قولجەتىمدى ەكەنىنە كوز جەتكىزۋگە شاقىرادى.