الماتىدا 29 جاستاعى قاليجان وتەپوۆ ءىز-تۇزسىز جوعالىپ كەتتى. ونىڭ تۋىسقاندارى قالا تۇرعىندارىنان كومەك سۇرادى، - دەپ حابارلايدى اqshamnews.kz ءتىلشىسى Massaget.kz-كە سىلتەمە جاساپ.
اعاسى عالىمجان وتەپوۆتىڭ ايتۋىنشا، 8 تامىزدا شامامەن ساعات 10:15-تە ول نۇركەنت، 80 مەكەنجايىنداعى ۇيىنەن شىعىپ كەتىپ، قايتا ورالماعان. كەيىنگى رەت ول مەدەۋ اۋدانىنداعى باقىلاۋ كامەرالارىنا ءتۇسىپ قالعان.
جوعالعانىنا سەگىز كۇننەن استى، بايلانىسقا شىقپاعان.
"وتكەن ۋاقىتتى ەسكەرسەك، ونىڭ ءومىرى مەن دەنساۋلىعىنا ناقتى ءقاۋىپ ءتونىپ تۇر. ول ءقاۋىپتى جاعدايعا تاپ بولۋى مۇمكىن، سوندىقتان ىزدەستىرۋ شارالارىن كەشىكتىرۋ قايتىمسىز سالدارعا اكەلۋى ىقتيمال"، – دەيدى جاقىندارى.
ەرەكشەلىكتەرى: بويى – 170 سم، ورتا دەنەلى، شاشى قارا، قىسقا.
كيىمى: اق فۋتبولكا، قوڭىر شالبار، قوڭىر ساندالي. سۇر ريۋكزاك تاققان.
جاقىندارى ونى كورگەن-بىلگەن ادامداردان حابارلاسۋدى سۇرايدى.
بايلانىس تەلەفوندارى:
- 8 708 130 59 00
- 8 702 3333 120
- 8 775 998 97 09