استا-توك توي جاساپ، تۋعان كۇنىنە 600 مىڭ تەڭگەگە تورت جاساتقان بلوگەر اسەلينا باتىر كونديتەرگە اقشاسىن ءالى بەرمەگەن. ويتكەنى كونديتەر قويعان باعاسى كوڭىلىنەن شىقپاعان. زاڭگەردىڭ ايتۋىنشا، باعاسى دا الدىن الا كەلىسىلمەگەن كورىنەدى، - دەپ حابارلايدى اqshamnews.kz ءتىلشىسى "كتك" تەلەارناسىنا سىلتەمە جاساپ.
"جوق، سول كەزدە دە مۇلدەم باعا ايتىلعان جوق. تۇسىنەسىز بە، مۇلدەم ايتىلعان جوق. توي بوپ جاتقان ۋاقىتتا تورتتى تاپسىردى. الدىن الا اكەلگەن جوق، 18 شىلدەدەن باستاپ 3 تامىزعا دەيىن مۇلدەم ايتپادى. اسەل بىرنەشە رەت سۇرادى. باعا قانشا بولادى دەپ. ويتكەنى مەندە ەسەپ بار، ونداي دا بولعان جوق"، - دەيدى زاڭگەر عازيزا امىربەك.
قۇراق كورپە تىگۋمەن تانىلعان اسەلينا باتىر تۋعان كۇنىنە تاپسىرىس بەرگەن تاتتىگە الدىن الا 100 مىڭ تەڭگە كولەمىندە تولەم جاساعان ەكەن. ال ناقتى باعاسىن بىلمەگەن. ادۆوكات نارىقتاعى سومانى عانا بەرەمىز دەيدى. الايدا كونديتەر نۇرشات اقبەرگەنوۆا تاپسىرىس بەرۋشىنىڭ بۇل پىكىرىمەن كەلىسپەيدى. ونىڭ ايتۋىنشا، بارلىق قوسپاسى قىمبات، شىعىننىڭ ءبارىن ءوز قالتاسىنان شىعارعان. جاستىق ءپىشىندى تورتتى جەپ العان سوڭ، تۇتىنۋشىنىڭ داۋ شىعارىپ وتىرعانىنا رەنجۋلى. سالماعى 18 كەلى تارتاتىن بۇل جۇمىستىڭ تىم ارزان باعالانعانىن دا قالامايدى. تاراپتار مامىلەگە كەلە الماعاندىقتان، ءىس سوتقا ءوتتى.
"اۆتور جۇمىسى ول تاپسىرىس بەرۋشىگە عانا ارناپ جاسالادى. وڭاي جۇمىس ەمەس. مۇنداي جۇمىس وزگە جۇمىستان الدەقايدا قىمبات جۇرەدى. سەنىم ارتىپ ماعان تاپسىرىس بەرگەن سوڭ، شىن جۇرەگىممەن جاسادىم. جۇمىستىڭ باعالانباي قالعانى وتە جامان. ونىمەن قوسا، الەۋمەتتىك جەلىگە مەنى بالاعاتتاعانى ءۇشىن دە كوڭىلىم قالدى، زاڭ الدىندا جاۋاپ بەرگەنىن قالايمىن"، - دەيدى كونديتەر نۇرشات اقبەرگەنوۆا.