الماتىدا قالا اكىمىنىڭ ورىنباسارى ابزال نۇكەنوۆ جاس عالىمدارمەن كەزدەسىپ، عىلىم مەن تەحنولوگيانى دامىتۋ جانە ولاردى قالالىق باسقارۋ جۇيەسىندە تاجىريبەدە قولدانۋ جايى ءسوز بولدى.
تالقىلاۋ بولاشاقتى بولجاۋعا، ۇزاق مەرزىمدى دامۋ كورىنىسىن قالىپتاستىرۋعا جانە الداعى سىن-قاتەردى ەسكەرە وتىرىپ، ناقتى شەشىمدەر ۇسىنۋعا باعىتتالعان فورسايت - ستراتەگيالىق ديالوگ فورماتىندا ءوتتى.
كەزدەسۋ بارىسىندا قاتىسۋشىلار عىلىمي زەرتتەۋلەردى قالالىق ۇدەرىستەرگە ەنگىزۋ، يننوۆاسيالىق جوبالاردى قولداۋ، سيفرلىق تەحنولوگيانى دامىتۋ، ەكولوگيالىق شەشىمدەر مەن قالالىق ينفراقۇرىلىم سالاسىنداعى عىلىمي ازىرلەمەلەردى جۇزەگە اسىرۋ، سونداي-اق عىلىم مەن ءوندىرىس اراسىنداعى ءوزارا بايلانىستى نىعايتۋ جونىندە ۇسىنىستارىن ورتاعا سالدى. بۇل باستامالار قالانىڭ الەۋمەتتىك-ەكونوميكالىق دامۋى ءۇشىن ماڭىزدى قادامدار رەتىندە باعالاندى.
«قالانىڭ ستراتەگيالىق دامۋى عىلىمسىز مۇمكىن ەمەس. جاس عالىمداردىڭ يدەيالارى مەن زەرتتەۋلەرى الماتىنى يننوۆاسيالىق ءارى باسەكەگە قابىلەتتى مەگاپوليسكە اينالدىرۋدىڭ بەرىك نەگىزى سانالادى. قالا اكىمدىگى عىلىمي قاۋىمداستىقپەن اشىق ءارى تۇراقتى ديالوگ ورناتۋعا جانە عىلىمي باستامالاردى ناقتى جوبالارعا اينالدىرۋعا مۇددەلى. عىلىم - قالانىڭ زاماناۋي ءارى ورنىقتى دامۋىنىڭ باستى شارتى»، - دەدى الماتى اكىمىنىڭ ورىنباسارى ابزال نۇكەنوۆ.
عىلىمي زەرتتەۋلەردى قولداۋ ماقساتىندا بيىل وڭىرلىك گرانتتار تاعايىنداۋ بويىنشا بايقاۋ وتكىزۋ جوسپارلانىپ وتىر. گرانتتار قولدانبالى عىلىمي-زەرتتەۋ جوبالارىن جۇزەگە اسىرۋعا جانە ونىڭ ناتيجەسى كوممەرسيالاندىرۋعا باعىتتالادى. قارجىلاندىرۋ جەرگىلىكتى بيۋدجەت ەسەبىنەن قاراستىرىلعان.
ايتا كەتەيىك، بۇل كەزدەسۋ 2025 جىلى قۇرىلعان الماتى قالاسى اكىمدىگى جانىنداعى عىلىم جانە تەحنولوگيالار جونىندەگى كەڭەس اياسىندا ءوتتى. كەڭەستىڭ نەگىزگى مىندەتى - عىلىمي الەۋەتتى قالانىڭ دامۋ ساياساتىنا ۇشتاستىرۋ جانە زەرتتەۋلەردى ناقتى پراكتيكالىق شەشىمدەر مەن جوبالارعا باعىتتاۋ.
عىلىم جانە تەحنولوگيالار جونىندەگى كەڭەس مەملەكەت باسشىسىنىڭ وڭىردەگى يننوۆاسيالىق ەكوجۇيەنى دامىتۋ جونىندەگى تاپسىرمالارىنا سايكەس 2025 جىلدان باستاپ جۇمىسىن باستادى. كەڭەس قۇرامىنا عىلىمي قاۋىمداستىق وكىلدەرى، جوعارى وقۋ ورىندارىنىڭ باسشىلارى مەن جاس عالىمدار ەندى.