جىل سوڭىنا دەيىن 16،7 مىڭ پاتەردى پايدالانۋعا بەرۋ جوسپارلانىپ وتىر.
الماتىنىڭ جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسى بارىسىندا كارانتين مەن ەپيداحۋالعا قاراماستان، قالادا تۇرعىن ءۇي سالۋ قارقىنى جوسپارلانعان دەڭگەيدە ءجۇرىپ جاتقانىن ايتتى. ءتىپتى، ولار وتكەن جىلعى كورسەتكىشتەن اسىپ تۇسكەن، دەپ حابارلايدى Almaty-akshamy.kz.
الماسحان احمەدجانوۆ اتاپ وتكەندەي، اكىمدىك مەملەكەت باسشىسى قاسىم-جومارت توقايەۆتىڭ وسى جىلدىڭ ناۋرىز ايىندا ادامداردىڭ جاقسى ءومىر ءسۇرۋىن قامتاماسىز ەتۋ جانە بارلىعى ءۇشىن بىردەي مۇمكىندىكتەر جاساۋ جونىندە بەرگەن تاپسىرماسىن ورىنداۋدا.
«ءار ادام ءۇشىن ءبىرىنشى جانە باستى قاجەتتىلىك – قاشان دا باسپانالى بولۋ. پرەزيدەنت العا قويعان باستى مىندەتتەردىڭ ءبىرى – قولجەتىمدى تۇرعىن ءۇي سالۋ»، – دەدى الماسحان احمەدجانوۆ.
ايتا كەتەرلىگى، الماتى – ەلىمىزدە تۇرعىن ءۇيدى ىسكە قوسۋ سانى بويىنشا كوشباسشى قالالاردىڭ ءبىرى. الماتىدا تۇرعىن ءۇيدى ىسكە قوسۋ قارقىنى وتكەن جىلدىڭ وسى كەزەڭىمەن سالىستىرعاندا 104،9%-دى قۇرادى.
وسى جىلدىڭ قاڭتار-ماۋسىم ايلارى ارالىعىندا قالادا 1 003،6 مىڭ ش.م (بۇل 9 738 پاتەر) ىسكە قوسىلدى.
ونىڭ ىشىندە:
- كوممەرسيالىق قۇرىلىس – 638،3 مىڭ ش.م نەمەسە 7 371 پاتەر؛
- جاتاقحانا اۋدانى – 10،4 مىڭ ش.م؛
– مەملەكەتتىك بيۋدجەت قاراجاتى ەسەبىنەن (جايلى قالالىق ورتا باسقارماسى) – 104،3 مىڭ ش.م نەمەسە 1 326 پاتەر.
– جەكە تۇرعىن ۇيلەر – 1 067 (بۇل 250 مىڭ ش.م استام).
ستاتيستيكادا كورسەتىلگەندەي، قۇرىلىس سالاسى بەلگىلى ءبىر قيىندىقتارعا قاراماستان، مەگاپوليستىڭ جەتەكشى ەكونوميكالىق وبلىستارىنىڭ ءبىرى بولىپ قالا بەرەدى. ايتا كەتسەك، جىل سوڭىنا دەيىن 16،7 مىڭ پاتەردى پايدالانۋعا بەرۋ جوسپارلانعان.
باسقارما باسشىسى جوبالاۋ الدىنداعى قۇجاتتامانى بەرۋ تۋرالى دا ايتتى. 2021 جىلدىڭ ءبىرىنشى جارتىجىلدىعىنىڭ قورىتىندىسى بويىنشا 3 296 ساۋلەت جوسپارلاۋ تاپسىرماسى (سجت) بەرىلدى، 4 330 ەسكيزدىك جوبا كەلىسىلدى.
«كوپ قاباتتى جانە جەكە ۇيلەردىڭ كوپشىلىگى اۋداندارعا قوسىلعان اۋماقتاردا سالىناتىنىن ايتقىم كەلەدى، بۇل «الماتى – شەتسىز قالا» تۇجىرىمداماسىنا سايكەس كەلەدى»، – دەدى الماسحان احمەدجانوۆ.
سپيكەر 2021 جىلى الماتىدا سالىنعان الەۋمەتتىك نىساندار تۋرالى ايتتى.
«الماتى - شەتسىز قالا» تۇجىرىمداماسىن جۇزەگە اسىرۋ اياسىندا قالانىڭ بارلىق اۋداندارىندا الەۋمەتتىك نىساندار سالىنۋدا. مۇنداي نىساندار، اسىرەسە، قوسىلعان اۋماقتارى بار اۋدانداردا قارقىندى سالىنۋدا. قازىرگى ۋاقىتتا الەۋمەتتىك ماقساتتاعى 78 نىساننىڭ قۇرىلىسى جۇرگىزىلۋدە»، – دەدى الماسحان احمەدجانوۆ.
2021 جىلى بارلىعى 55 نىسان سالىنادى، ونىڭ 23ء-ى 2022 جىلعا اۋىسادى. قازىرگى ۋاقىتتا توعىز نىسان بويىنشا جۇمىستار اياقتالدى. ولاردىڭ ىشىندە: مەدەۋ اۋدانىنداعى الەۋمەتتىك قىزمەتتەر ءۇيى؛ ناۋرىزباي اۋدانىنداعى ەكى بالاباقشا؛ تۇركسىب اۋدانىنداعى «مۇمكىندىگى شەكتەۋلى بالالاردى الەۋمەتتىك بەيىمدەۋ ورتالىعى» عيماراتىن سەيسميكالىق نىعايتۋ؛ بوستاندىق اۋدانىنداعى №71 بوبەكجاي-بالاباقشاسى، بوستاندىق اۋدانىنداعى №81 مەكتەپ، اۋەزوۆ اۋدانىنداعى ەكى بوبەكجاي مەن №6 قالالىق ەمحانا سەيسميكالىق كۇشەيتۋ جانە كۇردەلى جوندەۋدەن ءوتتى.
الماسحان احمەدجانوۆ الماتىنىڭ بارلىق اۋداندارىندا قالا اكىمى باقىتجان ساعىنتايەۆتىڭ تاپسىرماسىنا سايكەس الەۋمەتتىك نىسانداردىڭ «قادامدىق قولجەتىمدى» قاعيداتىنىڭ ىسكە اسىپ جاتقانىن حابارلادى.