وبلىستا كوروناۆيرۋس ينفەكسياسى بويىنشا ەپيدەميولوگيالىق احۋال ناشارلاي تۇسۋدە، ءوڭىر «قىزىل» ايماقتا تۇر.
بۇل اقپاراتتى تاراتقان وبلىستىڭ سانيتارلىق-ەپيدەميولوگيالىق باقىلاۋ دەپارتامەتىنىڭ مالىمەتىنشە، كوروناۆيرۋستىڭ ءوسۋ قارقىنى سوڭعى ەكى اپتادا 0،4%-دان 0،6%-عا ارتتى، دەپ حابارلايدى Almaty-akshamy.kz
ەپيدەميولوگيالىق ماتريسانىڭ باعالاۋى بويىنشا، ەسكەلدى مەن تالعار اۋدانى، تەكەلى مەن تالدىقورعان قالاسى «قىزىل» ايماقتا، ىلە، قاراتال اۋداندارى «سارى» ايماقتا، قالعان قالالار مەن اۋداندار «جاسىل» ايماقتا تۇر.
2020 جىلدىڭ ناۋرىز ايىنان بەرى كۆي-دىڭ 29 872 لابوراتوريالىق راستالعان جاعدايى تىركەلدى. ولاردىڭ 19 167ء-سى - سيمپتوممەن. نەگىزىنەن، كۆي جانە «دەلتا» ۆاكسينالانباعان تۇرعىندار اراسىندا تىركەلگەن، بۇل ۆاكسيناسيانىڭ تيىمدىلىگى جوعارى ەكەنىن كورسەتەدى. بۇگىنگى تاڭدا ءبىرىنشى كومپونەنتپەن 513 109 ادام ەگىلدى، ەكىنشى كومپونەنت 291 549 ادامعا سالىندى. ۆاكسينالانعاندار سانى بويىنشا پەداگوگتار (37 594) جانە مەديسينا قىزمەتكەرلەرى (23 167) كوش باستاپ تۇر.