الماتىدا ەسىرتكى قىلمىسىنا قارسى ءىس-قيمىل جونىندەگى بولىمشەنىڭ قىزمەتكەرلەرى مەن "بۋران-314" پاترۋلدىك ەكيپاجىنىڭ بىرلەسكەن جۇمىسى ناتيجەسىندە تاڭعا جۋىق تۇركسىب اۋدانىنداعى جەكە تۇرعىن ءۇي سەكتورىندا 49 جاستاعى ازامات ۇستالدى، - دەپ حابارلايدى Aqshamnews.kz.
كۇدىكتىگە جۇرگىزىلگەن جەكە ءتىنتۋ بارىسىندا ۇنتاق ءتارىزدى زات سالىنعان ورامالار تابىلدى. سوت-حيميالىق ساراپتاما قورىتىندىسىنا سايكەس، تاركىلەنگەن زات سينتەتيكالىق ەسىرتكى ەكەنى انىقتالدى. زاتتىڭ جالپى سالماعى 7 گرامنان اسادى. اتالعان دەرەك بويىنشا تۇركسىب اۋداندىق پوليسيا باسقارماسىندا قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى.
– بۇل باعىتتاعى جۇمىس جۇيەلى تۇردە جۇرگىزىلىپ كەلەدى. ءبىز ەسىرتكىنى تاراتۋ ارنالارى مەن وسى قىلمىستىق بيزنەسپەن اينالىساتىن تۇلعالاردى انىقتاۋ باعىتىندا تۇراقتى جۇمىس جۇرگىزىپ كەلەمىز. اسىرەسە، تۇرعىن ءۇي سەكتورىندا جەدەل ارەكەت ەتىپ، پروفيلاكتيكالىق شارالاردى كۇشەيتۋ اسا ماڭىزدى، سەبەبى مۇنداي ورتادا ەسىرتكى كەز كەلگەن ادامعا قولجەتىمدى بولۋى مۇمكىن، – دەدى الماتى قالاسى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇمابايەۆ.
سپيكەردىڭ سوزىنشە، ەسىرتكى قىلمىسىنا قارسى كۇرەس پوليسيا قىزمەتىنىڭ باسىم باعىتتارىنىڭ ءبىرى بولىپ قالا بەرەدى.
– ازاماتتاردى بەيجاي قالماۋعا شاقىرامىز. كۇدىكتى ارەكەتتەر تۋرالى كەز كەلگەن اقپارات ەسىرتكىنىڭ تارالۋىنا توسقاۋىل قويۋعا كومەكتەسەدى. بىرلەسكەن كۇش-جىگەر ارقىلى ءبىز بالالارىمىز بەن جاستارىمىزدى وسى ءقاۋىپتى ىندەتتەن قورعاۋىمىز قاجەت، – دەپ تولىقتىردى مۇرات جۇمابايەۆ.