قايتارىلعان اكتيۆتەردى باسقارۋ كومپانياسى «بايسات» بازارىن اۋكسيونعا شىعاردى.
مەملەكەت مەنشىگىنە 2024 جىلى الىنعان نىسان ءۇشىنشى رەت ساتىلىمعا شىعارىلدى، - دەپ حابارلايدى Aqshamnews.kz.
باستاپقى باعاسى 28 639 882 000 تەڭگە رەتىندە قويىلعان العاشقى اۋكسيون 2025 جىلدىڭ 18 قاراشاسىندا ءوتۋى كەرەك ەدى.
الايدا ساۋدا-ساتتىق باستالعان ساتتە تىركەلگەن قاتىسۋشىلار بولماعاندىقتان، اۋكسيون توقتاتىلدى. ەكىنشى ساۋدا 2025 جىلدىڭ 26 جەلتوقسانىندا بەلگىلەندى. بۇل جولى نىساننىڭ باستاپقى باعاسى 2 ملرد تەڭگەگە ارزانداپ، 26 706 317 643 تەڭگە بولدى. الايدا وسى جولى دا اۋكسيون ساتىپ الۋشى بولماعانسىن وتپەدى.
قايتارىلعان اكتيۆتەردى باسقارۋ كومپانياسى كەلەسى ساۋدا-ساتتىقتى 2026 جىلدىڭ 5 اقپانىندا ساعات 12:00-دە وتكىزۋدى جوسپارلاپ وتىر.
بۇل جولى دا نىسان باعاسى ايتارلىقتاي تۇسكەن. باستاپقى باعاسىنان 4 ملرد تەڭگەگە ارزانداعان بازاردىڭ قازىرگى قۇنى – 24 772 753 285 تەڭگە.