الماتى قالاسىندا 16 قاڭتاردا جامبىل اتىنداعى قالالىق جاسوسپىرىمدەر كىتاپحاناسى بازاسىندا اقش ەلشىلىگى مەن اقش-تىڭ باس كونسۋلدىعىنىڭ قولداۋىمەن، سونداي-اق جەرگىلىكتى ۇيىمدارمەن سەرىكتەستىكتە قۇرىلعان «American Space & Makerspace» جاڭا مادەني-بىلىم بەرۋ ورتالىعى سالتاناتتى تۇردە اشىلادى، - دەپ حابارلايدى Aqshamnews.kz.
اشىلۋ راسىمىنە اقش-تىڭ الماتىداعى باس كونسۋلى ميشەل ەركىن، ءبىلىم بەرۋ ۇيىمدارىنىڭ وكىلدەرى، سونداي-اق مادەنيەت سالاسىنىڭ بەلگىلى قايراتكەرلەرى قاتىسادى.
ءىس-شارا اياسىندا قوناقتار ءۇشىن ورتالىقتىڭ نەگىزگى باعىتتارىن تانىستىراتىن شولۋ ەكسكۋرسياسى ۇيىمداستىرىلادى. وندا اقش ۋنيۆەرسيتەتتەرىندە وقۋدى جوسپارلاپ جۇرگەن ستۋدەنتتەرگە ارنالعان كەڭەستەر، اعىلشىن ءتىلى كۋرستارى مەن سويلەسۋ كلۋبتارى، كاسىبي جانە سيفرلىق داعدىنى دامىتۋعا ارنالعان ۆوركشوپتار، سونداي-اق كاسىپكەرلىك، كوشباسشىلىق جانە ازاماتتىق بەلسەندىلىك باعدارلامالارى ۇسىنىلادى. سونىمەن قاتار قوناقتارعا Makerspace ايماعىنىڭ مۇمكىندىكتەرى — 3D-باسىپ شىعارۋ جانە ديزاين، روبوتوتەحنيكا، باعدارلامالاۋ، عىلىمي ەكسپەريمەنتتەر مەن قولدانبالى شىعارماشىلىق تانىستىرىلادى.