الماتىدا سوت شەشىمى بويىنشا ەكى تۇرعىن ءۇي بۇزىلادى. بۇل نۇر - الاتاۋ شاعىن اۋدانى ك. تاۋاسارل ۇلى كوشەسى، 71/21 مەكەنجايداعى ءبىر ۋچاسكەدە ورنالاسقان 3 قاباتتى ۇيلەر، دەپ حابارلايدى aqshamnews.kz الماتى قالا قۇرىلىسىن باقىلاۋ باسقارماسىنا سىلتەمە جاساپ.
جوسپاردان تىس تەكسەرۋ بارىسىندا رۇقسات بەرۋ قۇجاتتارىنىڭ تولىق پاكەتىنىڭ جوقتىعى انىقتالدى، ناتيجەسىندە مەنشىك يەلەرىنە (جەكە تۇلعاعا) قاتىستى اكىمشىلىك شارالار قابىلداندى.
كوپ ۇزاماي باسقارما بوستاندىق اۋداندىق سوتىنا نىسانداردى بۇزۋ تۋرالى تالاپ ارىز بەردى. 2023 جىلدىڭ 29 قىركۇيەگىندە سوت ەكى ءۇيدى بۇزۋ تۋرالى شەشىم قابىلدادى. 2024 جىلعى 31 قاڭتاردا الماتى سوتىنىڭ قاۋلىسىمەن اۋداندىق سوتتىڭ شەشىمى وزگەرىسسىز قالدى.
كەيىن سوت شەشىمى ادىلەت دەپارتامەنتىنە كەلىپ ءتۇستى، وندا اتقارۋشىلىق ءىس قوزعالدى.
بولشەكتەۋدى مەنشىك يەلەرى سوت ورىنداۋشىلارىنىڭ قاتىسۋىمەن ەرىكتى تۇردە باستايدى.
ايتا كەتەيىك، الماتىدا قالا اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 62 قۇرىلىس نىسانى، ونىڭ ىشىندە «مەچتا»، «KHAN»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلدى.