الماتىدا وتكەن جيىندا باس رەداكتورلار مەن قحا جۋرناليستەر كلۋبى بىرلەسە باق-تا ەتنوسارالىق جانە ءدىني ماسەلەلەردى جاريالاۋ جونىندە ەتيكالىق كودەكس قابىلداۋ، ارنايى مەديا كەڭەسىن قۇرۋ، “تولەرانتتىلىق جانە مەدياەتيكا” ءپانىن جۋرناليستيكا ماماندىقتارىنا ەنگىزۋدى تالقىلادى، - دەپ حابارلايدى aqshamnews.kz.
بۇل تۋرالى جۋرناليست، دەپۋتات بيبىگۇل جەكسەنباي فب پاراقشاسىندا جازدى.
باس رەداكتورلار كلۋبى مەن قحا جۋرناليستەر كلۋبى اراسىندا ارىپتەسىم اليشەر ساتۆالدييەۆپەن مەموراندۋمعا قول قويدىق.
ماقسات — ەتنوسارالىق قاتىناستاردى بۇقارالىق اقپارات قۇرالدارىندا جاريالاۋ مادەنيەتىن قالۆپتاستىرۋدا بىرلەسە جۇمىس جۇرگىزۋ.
كوپەتنوستى قازاقستان ءۇشىن باق-تىڭ ءرولى ايرىقشا. ءاربىر ءسوز، ءاربىر جاريالانىم قوعامداعى سەنىم مەن تاتۋلىققا اسەر ەتەدى.
سوندىقتان ءجۋرناليستىڭ كاسىبي ەتيكاسى — بۇل تەك ماماندىق تالابى ەمەس، ۇلتتىق قاۋىپسىزدىك پەن قوعامدىق كەلىسىمنىڭ كەپىلى.
كوپتەگەن ەلدەردە ەتنوسارالىق تاقىرىپتاردى جاريالاۋدا ناقتى ەتيكالىق نورمالار بار.
- مىسالى، ۇلىبريتانيادا Ofcom وشپەندىلىك تىلىنە جول بەرمەيدى؛
- كانادادا جۋرناليست وسى باعىتتاعى “نازىك” تاقىرىپتاردى ەتنوستىق توپتارمەن كەڭەسىپ بارىپ جازادى؛
ەۋروپا كەڭەسىنىڭ حارتياسىندا: «جۋرناليست قوعامدى بولۋگە ەمەس، تۇسىنىستىككە قىزمەت ەتۋى ءتيىس»، — دەلىنگەن. بۇل — جاۋاپتى جۋرناليستيكانىڭ ورتاق قاعيداتى.
ءبىزدىڭ ەلدە 130-دان استام ەتنوس ءومىر سۇرەدى، سوندىقتان ءسوز مادەنيەتى – كەلىسىم مادەنيەتىمەن تىكەلەي بايلانىستى.
الماتىدا وتكەن جيىندا باس رەداكتورلار مەن قحا جۋرناليستەر كلۋبى بىرلەسە باق-تا ەتنوسارالىق جانە ءدىني ماسەلەلەردى جاريالاۋ جونىندە ەتيكالىق كودەكس قابىلداۋ، ارنايى مەديا كەڭەسىن قۇرۋ، “تولەرانتتىلىق جانە مەدياەتيكا” ءپانىن جۋرناليستيكا ماماندىقتارىنا ەنگىزۋدى قاراستىرۋدى تالقىلادىق.
بۇل شارالار ءسوز بوستاندىعىن شەكتەۋ ەمەس — سەنىم مەن كاسىبيلىكتى ارتتىرۋ تەتىگى.
حالقىمىز «بىرلىك بار جەردە – تىرلىك بار» دەيدى. اقپاراتتىق داۋىردە بۇل قاعيدا بۇرىنعىدان دا وزەكتى.
ءبىزدىڭ مىندەتىمىز — ءسوز ارقىلى كەلىسىمدى، تۇسىنىستىكتى جانە ءوزارا قۇرمەتتى نىعايتۋ.