بالالاردى قورعاۋ كۇنى قارساڭىندا الماتى قالاسىندا "دينامو" ستاديونىندا ەرەكشە ماڭىزعا يە ءداستۇرلى سپورتتىق مەرەكە ۇيىمداستىرىلدى، دەپ حابارالايدى aqshamnews.kz.
شارانى الماتى قالالىق پوليسيا دەپارتامەنتى مەن "دينامو" دەنە شىنىقتىرۋ-سپورتتىق قوعامى بىرلەسە وتكىزدى. ءىس-شاراعا مەكتەپ وقۋشىلارى، پوليسيا قىزمەتكەرلەرىنىڭ بالالارى جانە قىزمەتتىك بورىشىن وتەۋ بارىسىندا قازا تاپقان ءتارتىپ ساقشىلارىنىڭ ۇرپاقتارى قاتىستى. مەرەكەلىك باعدارلاما اياسىندا كوڭىلدى ەستافەتالار، سپورتتىق جارىستار، بايقاۋلار مەن كاسىبي سپورتشىلاردىڭ شەبەرلىك كورسەتىلىمدەرى ۇسىنىلدى. مەرەكەنىڭ باستى ماقساتى – بالالاردى سالاۋاتتى ءومىر سالتىنا باۋلۋ، ولاردىڭ بويىندا وڭ قۇندىلىقتار مەن پاتريوتتىق سەزىمدى قالىپتاستىرۋ، سونداي-اق پوليسيامەن سەنىمگە نەگىزدەلگەن قارىم-قاتىناس ورناتۋ. مۇنداي ءىس-شارالار الماتى قالاسى پوليسياسىنىڭ پروفيلاكتيكالىق جۇمىسىنىڭ ماڭىزدى باعىتىنا اينالىپ وتىر.
– ءبىز سپورتتىڭ بىرىكتىرۋشى، شابىتتاندىرۋشى ءارى بالالاردىڭ بويىنداعى ەڭ جاقسى قاسيەتتەردى اشۋعا سەپتىگىن تيگىزەتىنىنە سەنەمىز. بۇل تەك مەرەكە عانا ەمەس، سونىمەن قاتار جاسوسپىرىمدەرمەن جۇمىستاعى پروفيلاكتيكالىق باستامالاردىڭ ءتيىمدى تەتىگى. پروفيلاكتيكا جىلىندا ءار بالا ءوزىن قاجەت ءارى قورعالعان سەزىنۋى ءۇشىن بار كۇشىمىزدى سالامىز، – دەدى الماتى قالالىق پد باستىعىنىڭ ورىنباسارى ءادىلعوجا قۇسايىنوۆ.
"دينامو" دشسق وكىلدەرى دە وسىنداي باستامالاردىڭ الەۋمەتتىك ماڭىزدىلىعىن اتاپ ءوتتى.
– ءبىز سپورتتى جاستارمەن ءتىل تابىسۋدىڭ امبەباپ قۇرالى دەپ بىلەمىز. پاتريوتتىق تاربيە، قۇقىقبۇزۋشىلىقتىڭ الدىن الۋ جانە بالالاردىڭ دەنساۋلىعىن نىعايتۋ باعىتىندا «دينامو» ءاردايىم قولداۋ كورسەتۋگە ءازىر. بۇگىندە ءبىزدىڭ ستاديون وسىنداي ىزگى ىستەر مەن جارقىن باستامالاردىڭ ورداسىنا اينالعانىنا قۋانىشتىمىز، – دەدى قوعام ءتوراعاسىنىڭ ءبىرىنشى ورىنباسارى اسقار ومارقۇلوۆ.
بۇل سپورتتىق مەرەكە – قۋانىش پەن شابىتتىڭ عانا ەمەس، بولاشاق ۇرپاقتىڭ جارقىن كەلەشەگىنە باعىتتالعان ناقتى قادامنىڭ كورىنىسى.