الماتىدا بالالاردىڭ جازعى لاگەرى ساۋنا اۋماعىندا ورنالاسقان

بالالارىن لاگەرگە جىبەرگەن الماتىلىق اتا-انالار وقۋشىلاردىڭ قانداي ورىنعا جايعاستىرىلعانىن كورىپ، شوشىدى. 

يرينا كيم ەسىمدى Facebook قولدانۋشىسى ءوز پاراقشاسىندا لاگەر اۋماعىندا جالاڭاش ەر ادامداردىڭ باسسەين ماڭىندا سەرۋەندەپ جۇرگەن ۆيدەوسىن جاريالادى دەپ حابارلايدى Almaty-akshamy.kz Ulysmedia.kz-كە سىلتەمە جاساپ. 

سول ۆيدەو ارقىلى بالالارىنىڭ ساۋنا اۋماعىنا ورنالاستىرىلعانىن بىلگەن اتا-انالار وقۋشىلاردى دەمالىس ورنىنان جاپپاي الىپ كەتە باستادى.

«ەكى كۇن بۇرىن جەتىسۋ اۋدانىنىڭ بالالارى "ارمان دالا" لاگەرىنە اتتاندى. كەشكە كوپتەگەن بالالار اتا-انالارىنا ورنالاسقان جەرلەرىنەن ۆيدەولار مەن فوتوسۋرەتتەر جىبەرە باستادى. اتا-انالار شوشىپ كەتتى. ولاردىڭ كوبى دەرەۋ بالالاردى الىپ كەتۋگە باردى جانە وسى ۆيدەونى ءتۇسىرىپ جىبەردى. ونداعى كورىنىسكە اشۋلانعانىم سونداي، تىنىسىم تارىلىپ قالدى. اتا-انالار قانداي كۇي كەشكەنىن، بالالار قالاي قورىققانىن ايتۋدىڭ ءوزى قيىن. بۇل ءۇشىن كىم جاۋاپ بەرەدى»؟– دەپ جازدى يرينا كيم.

الماتى قالاسىنىڭ ءبىلىم باسقارماسى ۆەدومستۆو قىزمەتكەرلەرى اتا-انالارىنىڭ شاعىمىنان كەيىن "ارمان دالا" قالا سىرتىنداعى لاگەرىنە شۇعىل اتتانعانىن حابارلادى.

«ءبىلىم باسقارماسى وسى ۇيىممەن شارتتى بۇزۋ ماسەلەسىن قارايتىن بولادى. قازىرگى ۋاقىتتا بالالار ۇيلەرىنە تاراتىلىپ جاتىر، جاقىن ارادا وقۋشىلار بەكىتىلگەن ەرەجەلەر قاتاڭ ساقتالعان باسقا لاگەرلەرگە جىبەرىلەدى»، - دەلىنگەن حابارلامادا.