قالا تۇرعىندارى ءۇشىن ماڭىزدى ماسەلەلەردىڭ ءبىرى ءونىمنىڭ باعالارىنىڭ نەگىزسىز وسۋىنە جول بەرمەۋ جانە ازىق-تۇلىك قاۋىپسىزدىگىن قامتاماسىز ەتۋ بولىپ تابىلادى. الماتى قالاسىنىڭ اكىمدىگى اتالعان باعىت بويىنشا بەلسەندى جۇمىس جۇرگىزۋدە. بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى اكىمىنىڭ ورىنباسارى ماقسات قيقىموۆ حابارلادى، دەپ جازادى اlmaty-akshamy.kz.
قالادا باعانى ۇستاپ تۇرۋ بويىنشا نەگىزگى قولدانىستاعى مەحانيزمى – «اينالىم سىزباسى» بويىنشا جەڭىلدەتىلگەن قارىزدار بەرۋ. اتالعان مەحانيزم شەڭبەرىندە كاسىپكەرلىك سۋبەكتىلەرى ونىمگە قويىلعان شەكتى باعالاردى بەكىتۋ رەتىندە الەۋمەتتىك ماڭىزى بار ازىق-تۇلىك تاۋارلارىن (ءامات) ىسكە اسىرۋ بويىنشا وزدەرىنە كۇردەلى مىندەتتەمەلەر الادى، بۇل رەتتە قارىزدار بويىنشا بولىنگەن اقشالاردى ارىپتەستەر قالا بيۋدجەتىنە قايتارادى.
ءامات-قا ءونىمنىڭ قازاقستان رەسپۋبليكاسىنىڭ ۇكىمەتى بەكىتكەن 19 ءتۇرى جاتادى – 1 سۇرىپتى ۇن، قاراقۇمىق، كۇرىش.روجكي.كۇنباعىس مايى جانە سارى ماي، قۇس ەتى، سيىر ەتى، ءسۇت، ايران، ىرىمشىك، 1 ساناتتى جۇمىرتقا، قانت، تۇز، نان، كارتوپ. پياز، قىرىققابات، ءسابىز.
«اينالىم سىزباسىنىڭ» شەڭبەرىندە قارىزدار بەرىلدى، سونىڭ ناتيجەسىندە ءامات-تىڭ 60 مىڭ توننادان استام كولەمدە 19 پوزيسياسى بويىنشا باعالارى ۇستالىپ تۇر، بۇل قالا بويىنشا باعانى 35%-عا تومەندەتۋگە مۇمكىندىك بەردى. "ماگنۋم" جەلىسىنىڭ 54 ساۋدا ورنى، "تويمارت" ساۋدا جەلىسىنىڭ 14 ساۋدا ورنى، "اسىل ەتتىڭ" 5 دۇكەنى قامتىلدى.
سونىمەن قاتار، بەرىلگەن «اينالىم سىزباسى» تاماق ونەركاسىبى ونىمدەرىنىڭ ساتۋ باعالارىن بەكىتۋگە مۇمكىندىك بەردى.
• «Asyl Meat» ج ش س 2022 جىلدىڭ 1 ماۋسىمىنا دەيىن 5 فيرمالىق دۇكەندە ءبىر كەلىسى ءۇشىن 2050 تەڭگەدەن بەكىتىلگەن باعا بويىنشا سيىر ەتىن (ءجاۋىرىن-توس بولىگى) ساتادى.
• «الساد كازاحستان» ج ش س «ماگنۋم»، «سمولل» جانە «تويمارت» ساۋدا جەلىلەرى ارقىلى سورەلەردە 10 داناسى 440 تەڭگە بولىپ بەكىتىلگەن باعا بويىنشا 1 ساناتتى تاۋىق جۇمىرتقاسىن ساتۋدى جۇزەگە اسىرادى. 1 ساناتتى جۇمىرتقانىڭ باعاسى ستاتيستيكا باعاسىنان 8%-عا تومەن (ورتاشا باعا – ون داناسى ءۇشىن 479 تەڭگە).
حالىق ءۇشىن قول جەتىمدى باعامەن ءامات-تىڭ اتاۋلارىنىڭ ۇسىنىمىن ارتتىرۋ ءۇشىن قالانىڭ 7 نەگىزگى بازارىندا (كوك بازار، جاڭا اقبۇلاق (كوتەرمە بازار)، سارى-ارقا، تاستاق، تاۋسامالى، الماتى-1، تۇركسىب جارمەڭكەسى) الەۋمەتتىك دۇكەندەر اشىلدى، وندا تومەندەتىلگەن باعامەن ءامات-تىڭ 10 اتاۋى (كارتوپ، ءسابىز، پياز جانە قىرىققابات، قانت، قاراقۇمىق جارماسى، كۇنباعىس مايى، كۇرىش، روجكي، ۇن) ساتىلادى، بۇل ساۋدا جاساۋشىلار اراسىندا باسەكەلىك ورتانى قۇرايدى.
سونداي-اق، «ەت دۇكەندەرى» جوباسى ىسكە قوسىلدى، وندا قول جەتىمدى باعامەن سيىر ەتىن جانە قوي ەتىن ساتۋ جۇزەگە اسىرىلادى، باعانى تۇراقتاندىرۋ ءبىر كەلىسى ءۇشىن 2050 تەڭگەدە سيىر ەتىنىڭ ءجاۋىرىن-توس بولىگى بويىنشا ۇيىمداستىرىلعان. اتالعان ساتتە، «جۇلدىز»، «تۇركسىب» بازارلارىندا ەكى ساتۋ ورنى جۇمىس ىستەيدى. قالانىڭ 7 ءىرى بازارىندا «ەت دۇكەندەرىن» اشۋ جولىمەن جوبانى كەڭەيتۋ جوسپارلانىپ وتىر.
قالا ازىق-تۇلىك نارىعىندا جاعدايدى جاقسارتۋ ءۇشىن تۇراقتى تۇردە جاڭا شەشىمدەر ىزدەستىرۋدە.