سمارتفون - تيىمدىلىك كوزى
ءححى عاسىر - جاڭا تەحنولوگيا ءداۋىرى. مۇندا جىلدامدىق، باسەكەگە قابىلەتتىلىك، دامۋدىڭ قاتار جارىسقانىن بايقاۋعا بولادى. كوبىمىز وسى اتالعان قاعيداتتار توڭىرەگىندە عۇمىر كەشۋدەمىز. بالكىم، ونى ءاربىرىمىز نازارىمىزعا ىلمەۋىمىز دە مۇمكىن.
ۋاقىتتى ۇرلايدى. اسىرەسە، ءاربىر ءسات بارشامىز ءۇشىن ماڭىزدى. ءتىپتى وتە اكتۋالدى دەپ ايتساق، ارتىق ەمەس. ويتكەنى زاماننىڭ ءوزى وسىعان اكەلىپ تىرەپ تۇرعانداي سەزىلەدى. بارلىق ىستەرىمىز سمارتفونعا بايلانىستى بولىپ بارادى. ونىسى جاقسى-اۋ؟! دەسە دە، ءبىر نارسە جاسايمىننىڭ كەرىمەن اراسىندا ينتەرنەتكە باسىمىزبەن كىرىپ كەتىپ جاتامىز. تىم تاۋەلدىمىز. سونىڭ ناتيجەسىندە ساعاتتاپ الەۋمەتتىك جەلىدە وتىرامىز. سونداي-اق، سۋرەتتەر مەن بەينەروليكتەرگە ءۇڭىلىپ قالامىز. بۇنىڭ ءبارى ۋاقىتتىڭ زايا كەتۋىنە، قالجىراۋعا الىپ كەلەدى. سوندىقتان ءسال دە بولسا باقىلاۋ جۇرگىزگەن ابزال.
تاڭعاجايىپ، ءبىراق ابايلايىق! عىلىمي تەحنولوگيا تۋرالى ايتىپ قالدىق. تەككە مىسالدامادىق. «ەگەر بىرنەشە ءجۇز جىل ارتقا شەگىنسەك، بۇگىندە ءبىز قاراپايىم نارسەلەر دەپ سانايتىننىڭ ءبارى سيقىرلى بولىپ كورىنەر ەدى. مىسالى، قاشىقتىقتان سويلەسۋ، ۇشۋ، ۇلكەن كولەمدى اقپاراتتى وڭدەۋ، بۇكىل الەمدى الاقانداي تەلەفوننان تاماشالاۋ، ت.ب. شىنىندا دا، بۇرىن بۇل سيقىرعا ۇقسايتىن ەدى. ەندى بۇگىندە سيقىر بوپ كورىنەتىن بولاشاقتاعى قاراپايىم «عاجايىپتى» ءسىز دە ويلاپ تابا الاسىز عوي»، - دەيدى ونەرتاپقىش ءارى الەمنىڭ ەڭ باي ادامى يلون ماسك. شىنىندا دا سولاي. دەگەنمەن، ءار نارسەنىڭ وزىندىك مولشەرى بولعانى ءجون. سوندا بالانس ساقتالماق.
ءتۇيىن. ءبىز ءۇشىن سمارتفوننىڭ تيىمدىلىگى جوعارى. ونى مويىنداۋ قاجەت. جوعارىداعى ويلاردى توپتاستىرىپ، سارالاعاندا، شىعاتىن وي بىرەۋ. ول – تيىمدىلىككە جۇمىس ىستەپ، ارتىق ۋاقىتتى كادەلى ىسكە جاراتساق، نۇر ۇستىنە نۇر بولماق.