ۇلتتىق بانك تەڭگەنىڭ السىرەۋىنە قاتىستى تۇسىنىكتەمە ءبىلدىردى

تەڭگەنىڭ السىرەۋىنە ءبىرقاتار سەبەپ بار

وڭتۇستىك افريكادا كوروناۆيرۋستىڭ «وميكرون» شتامىنىڭ انىقتالۋى جانە افريكامەن اراداعى اۋە قاتىناسىنا سالىنعان شەكتەۋلەر تەڭگەنىڭ السىرەۋىنە ىقپال ەتتى، دەپ حابارلايدى Almaty-akshamy.kz 24.kz-كە سىلتەمە جاساپ

ناقتىراق ايتقاندا، ءدال وسى شەكتەۋلەردىڭ سالدارىنان الەمدەگى مۇناي باعاسىنىڭ ءتۇسىپ، اكسيالار باعامىنىڭ وزگەرۋى مەن دامۋشى ەلدەردەگى ۆاليۋتا قۇنسىزداندى. وعان قوسا ەۋروپانىڭ ءۇش بىردەي ەلىندە كوروناۆيرۋس جۇقتىرۋ دەرەگى كۇرت ارتقاندىقتان، لوكداۋن جاريالانعان. وسىنىڭ ءبارى تەڭگەگە اسەر ەتپەي قويمادى.

مۇنداي تۇسىنىكتەمەنى ۇلتتىق بانكتىڭ مونەتارلىق وپەراسيالار جونىندەگى دەپارتامەنتتىڭ ديرەكتورى نۇرجان تۇرسىنحانوۆ بەرىپ وتىر. ايتۋىنشا، مۇنايعا دەگەن سۇرانىستىڭ كۇرت تومەندەۋ ىقتيمالدىلىعىنا بايلانىستى ءارى جاڭا شەكتەۋلەردىڭ سالدارىنان برەنت ماركالى مۇناي باعاسى دەرلىك 12 %-كە تومەندەدى. ياعني ونىڭ باعاسى باررەلىنە 82،2 دوللاردان 72،7 دوللارعا دەيىن ارزاندادى.

نۇرجان تۇرسىنحانوۆ كەلتىرگەندەي، سىرتقى اسەرلەرگە جاۋاپ رەتىندە بۇگىن دوللار باعامى 433،5 تەڭگەگە باعالاندى. ياعني وتكەن جۇما كۇنىمەن سالىستىرعاندا تەڭگە 0،4% -عا السىرەگەن.