قازاقستاندا اۋا رايىنا بايلانىستى داۋىلدى ەسكەرتۋ جاريالاندى
6 اقپان، بەيسەنبى كۇنى قازاقستاننىڭ باسىم بولىگىندە اۋا رايىنىڭ كۇرت وزگەرۋىنە بايلانىستى "قازگيدرومەت" رمك داۋىلدى ەسكەرتۋ جاريالادى. ەل تۇرعىندارىن تۇمان، بوران، كۇشتى جەل، اياز جانە اۋانىڭ لاستانۋى كۇتىپ تۇر. بۇل تۋرالى Aqshamnews.kz سايتى حابارلايدى.
استانادا تۇندە جانە تاڭەرتەڭ تۇمان تۇسەدى. سولتۇستىك-شىعىستان سوققان جەلدىڭ ەكپىنى تاڭەرتەڭ جانە كۇندىز 15-18 م/س-قا دەيىن جەتەدى.
الماتىدا اۋا تەمپەراتۋراسىنىڭ كۇرت تومەندەۋى كۇتىلۋدە. تاۋلى جانە تاۋ بوكتەرىندەگى اۋدانداردا تۇندە قاتتى اياز بولادى، كەي جەرلەردە اۋا تەمپەراتۋراسى -25 گرادۋسقا دەيىن تومەندەيدى.
شىمكەنتتە تۇندە جانە تاڭەرتەڭ تۇمان تۇسەدى. شىعىستان سوعاتىن جەلدىڭ ەكپىنى 15-20 م/س-قا دەيىن جەتەدى.
سينوپتيكتەردىڭ حابارلاۋىنشا، ەلىمىزدىڭ كەيبىر وڭىرلەرىندە قولايسىز مەتەورولوگيالىق جاعدايلار ساقتالادى. بۇل اسىرەسە اۋا ساپاسىنا اسەر ەتۋى مۇمكىن.