قازاقستاننىڭ فۋتزال قۇراماسى ەۋرو-2026 ىرىكتەۋ كەزەڭىندەگى كەزەكتى ماچىندا دانيا قۇراماسىمەن كەزدەسىپ، سەنىمدى جەڭىسكە قول جەتكىزدى. استانا قالاسىندا وتكەن ويىن 7:3 ەسەبىمەن قازاقستاندىقتاردىڭ پايداسىنا اياقتالدى. بۇل تۋرالى Aqshamnews.kz سايتى حابارلايدى.
ماچ بارىسىندا قازاقستان قۇراماسىنىڭ ويىنشىلارى جوعارى شەبەرلىك تانىتىپ، قارسىلاستار قاقپاسىنا بىرنەشە ءدال سوققىلار جاسادى. كوماندانىڭ شابۋىل شەبىندە ەرەكشە كوزگە تۇسكەن دۋگلاس جۋنيور دۋبل اۆتورى اتانسا، سونداي-اق داۋرەن تۇرساعۇلوۆ، اقجول داريباي، ازات ءۆاليۋلين جانە دامير قايىرباي ءبىر-بىر گولدان سوقتى. بۇعان قوسا، دانيا قۇراماسىنىڭ ويىنشىسى ءوز قاقپاسىنا ءبىر گول ەنگىزىپ الدى.
بۇل جەڭىس قازاقستان قۇراماسىنىڭ ەۋرو-2026 فينالدىق كەزەڭىنە شىعۋ جولىنداعى مۇمكىندىكتەرىن ارتتىرا ءتۇستى. ويىنشىلارىمىزدىڭ شەبەرلىگى مەن ۇيلەسىمدى كوماندالىق ويىنى جانكۇيەرلەردى قۋانتتى.