اسكەري قىزمەتشىلەرگە قولداۋ كورسەتىپ جاتىر.
«كۇشىمىز بىرلىكتە». بۇگىن وسىنداي اتاۋمەن الماتىدا اسكەري-پاتريوتتىق اكسيا ءوتتى. شارانىڭ باستى ماقساتى وتان قورعاۋشىلاردىڭ رۋحىن كوتەرىپ، اسكەري ميسسياسىنىڭ ماڭىزدىلىعىن نىعايتۋعا باعىتتالعان، دەپ حابارلايدى Almaty-akshamy.kz Almaty.tv سىلتەمە جاساپ.
بۇگىندە تاربيە قۇرىلىمدارىنىڭ وفيسەرلەرى جاپپاي دۇربەلەڭگە قاتىسقان اسكەري قىزمەتشىلەرگە پسيحولوگيالىق وڭالتۋ جاعىنان قولداۋ كورسەتىپ جاتىر.
«قورعانىس ءمينيسترىنىڭ شەشىمىمەن ۇگىت-ناسيحات توبى قۇرىلىپ، اسكەري بولىمدەرگە بارىپ ءجۇرمىز. وسىعان دەيىن ءبىرىنشى "باتىس" وڭىرلىك قولباسشىعىندا جۇمىس ىستەپ، اتىراۋ، اقتاۋ، اقتوبەگە بارىپ كەلدىك»، - دەدى ق ر قارۋلى كۇشتەرى باس شتابى باسشىسىنىڭ ورىنباسارى سەرىك بورانبايەۆ.
اسكەري قىزمەتكەرلەر الداعى ۋاقىتتا تالدىقورعان، جاركەنت جانە قاپشاعاي مەن سارىوزەكتەگى گارنيزوندارعا دا بارىپ، وسىنداي اكسيا وتكىزۋدى جوسپارلاپ وتىر.
«بۇگىن اسكەري قىزمەتكەرلەردىڭ اكسياسىنا ءبىز دە قاتىستىق. قيىن ساتتە قالا قاۋىپسىزدىگىن تولىعىمەن قامتاماسىز ەتكەن وتان قورعاۋشىلارعا العىسىمىز شەكسىز. ولارعا قالالىق ءماسليحات دەپۋتاتتارى مەن جەرگىلىكتى تۇرعىنداردىڭ اتىنان راقمەت ايتقىم كەلەدى»، - دەدى قالالىق ءماسليحات دەپۋتاتى شۋحراد شاردينوۆ.