الماتىدا حالىقارالىق بالالاردى قورعاۋ كۇنى مەرەكەسىنە وراي ەرەكشە مازمۇنداعى قايىرىمدىلىق شاراسى ۇيىمداستىرىلدى. «ءاءنشى بالاپان» جانە «SOSسترادانيە» قوعامدىق قورلارىنىڭ باستاماسىمەن وتكەن «اق تىلەكپەن، بالاپان جۇرەكپەن» اتتى اكسيا №1 بالالار ءۇيىنىڭ ونكولوگيالىق اۋرۋلارمەن كۇرەسىپ جۇرگەن، دسپ دياگنوزى بار بالالار جانە «ءانشى بالاپان» قورىنىڭ بالالارىنا ارنالدى.
«ءاءنشى بالاپان» جوباسىنىڭ تاريحىنا كوز جۇگىرتسەك، ول – تەك بالالار بايقاۋى عانا ەمەس، مادەني قۇبىلىسقا اينالعان ءىرى پلاتفورما. 1990 جىلدان بەرى مىڭداعان دارىندى بالالاردى ەلگە تانىستىرىپ، ولاردىڭ ونەر جولىنداعى العاشقى باسپالداقتارىنا اينالدى. ديلناز احمادييەۆا، مءادينا سءادۋاقاسوۆا، الماس كىشكەنبايەۆ، جانار دۇعالوۆا سىندى تانىمال انشىلەردىڭ كوپشىلىگى وسى جوبادان تۇلەپ ۇشقان.
جوبا اۆتورى جانە جەتەكشىسى روزا جانچۋرينا بالالار شىعارماشىلىعىنا ادال قىزمەت ەتىپ كەلە جاتقان جان. ونىڭ كوپجىلدىق ەڭبەگى مەن شىنايى جاناشىرلىعى ارقاسىندا «ءاءنشى بالاپان» جوباسى حالىقارالىق دەڭگەيگە كوتەرىلىپ، تۇركيا، فرانسيا، گەرمانيا، اقش سىندى ەلدەردە قازاقستان مادەنيەتىن ناسيحاتتادى.
باعدارلاما ءوزىنىڭ العاشقى كۇندەرىنەن-اق الەۋمەتتىك وسال توپتاعى بالالاردى قولداۋعا باعىتتالدى. ۇلتتىق بىرەگەيلىكپەن قاتار كوپتىلدىلىكتى، ەتنيكالىق ءارالۋاندىقتى قولداپ كەلە جاتقان بۇل باستاما بۇگىنگى تاڭدا مادەني جانە قوعامدىق ءومىردىڭ اجىراماس بولىگىنە اينالدى.
قايىرىمدىلىق – قوعامنىڭ رۋحاني دەڭگەيىنىڭ كورسەتكىشى. وسىنداي ىزگى شارالار ارقىلى مەيىرىم مەن بىرلىككە نەگىزدەلگەن قوعام قالىپتاسىپ، ءاربىر بالاعا جىلۋلىق پەن سەنىم سىيلايدى.