الماتىدا Almaty Bar Shift اتتى بىرەگەي گاسترونوميالىق جوبا ءوتىپ جاتىر، - دەپ حابارلايدى aqshamnews.kz.
14-20 شىلدە ارالىعىندا ورتالىق ازيادا تۇڭعىش رەت حالىقارالىق بار مادەنيەتىنە ارنالعان ماڭىزدى ءىس-شارا — Almaty Bar Shift ۇيىمداستىرىلىپ وتىر. ءبىر اپتا بويى شاھار قوناقجايلىق سالاسىنداعى الەمدىك ترەندتەردى قالىپتاستىراتىن ماماندار مەن ەرەكشە ءدام ىزدەگەن تۇرعىندار مەن قوناقتاردىڭ باسىن قوساتىن الاڭعا اينالدى. Almaty Bar Shift جوباسىنىڭ اۆتورلارى Almaty Tourism Bureau جانە Shift Project.
الماتىعا ۆاشينگتوننان باستاپ فلورەنسياعا، افينادان كەيپتاۋنعا دەيىنگى الەمنىڭ تۇكپىر-تۇكپىرىنەن اتاقتى كوكتەيل اپتالىعىن ۇيىمداستىراتىن جاندار كەلدى. ولار قازىرگى زامانعى بار مادەنيەتىنىڭ بەت-بەينەسىن جاسايتىندار. الەمنىڭ ۇزدىك بارلارىنىڭ قاتارىنا ەنگەن World’s 50 Best Bars، Top 500 جانە Michelin گيدى سىندى رەيتينگتەردە مويىندالعان بارلاردىڭ بىلىكتى بارتەندەرلەرى الماتىلىق باردىڭ سورەسىنە شىعىپ، ونەرىن پاش ەتىپ جاتىر.
ءىس-شارانىڭ باستى ماقساتى الماتىنى الەمدىك بار كارتاسىنا شىعارۋ، جەرگىلىكتى بار يندۋسترياسىنىڭ وكىلدەرىن حالىقارالىق كاسىبي ورتامەن تانىستىرىپ، ءوزارا تاجىريبە الماسۋعا جاعداي جاساۋ جانە قالاداعى سەرۆيس دەڭگەيىن جاڭا بيىككە كوتەرۋ.
باعدارلاما كۇندىزگى ءبىلىم بەرۋ ساباقتارى مەن كەشكى قالالىق ءىس-شارالاردى قامتيدى. كۇندىز سالا ماماندارى ءۇشىن شەبەرلىك ساعاتتارى، دارىستەر مەن يندۋسترياداعى وزەكتى تاقىرىپتاردى تالقىلاۋ ۇيىمداستىرىلادى. كەشكىسىن تانىمال بارشىلار الماتىنىڭ تاڭداۋلى بارىندا اشىق قوناقتار اۋىسىمىن وتكىزەدى. ولار جەرگىلىكتى ونىمدەردى پايدالانىپ، اۆتورلىق كوكتەيلىن دايىندايدى.
«گاسترونوميالىق تۋريزم — بۇگىندە الەمدەگى ەڭ قارقىندى دامىپ كەلە جاتقان باعىتتاردىڭ ءبىرى. الماتىنىڭ بۇل سالاداعى الەۋەتى وراسان زور. مۇنداي جوبالار ارقىلى ءبىز قالامىزدى ءوڭىردىڭ گاسترونوميالىق ورتالىعى رەتىندە تانىستىرامىز. مۇندا اركىم تالعامىنا ساي ءدام مەن اتموسفەرا تابا الادى. ەڭ قۋانىشتىسى، بىزگە شىن مانىندە شەشىم قابىلدايتىن نە وعان ىقپال ەتە الاتىن، باراتىن ورىنداردى كوپشىلىككە ۇسىناتىن ساراپشىلار كەلىپ وتىر. مۇنداي كوللابوراسيا مەن بىرلەسكەن جوبالار قالامىزدى ورتالىق ازياداعى جەتەكشى گاسترونوميالىق باعىتقا اينالدىرۋعا جول اشادى دەپ سەنەمىز»، — دەيدى Almaty Tourism Bureau وكىلدەرى.
ۇيىمداستىرۋشىلاردىڭ ايتۋىنشا، وسىنداي ءبىلىم بەرۋ كەزدەسۋلەرى مەن تاجىريبە الماسۋ ارقىلى الماتى الەمدىك ترەندتەردى قابىلداپ قانا قويماي، وزىنە ءتان بىرەگەي جوبالاردى جاساي الاتىن شاھارعا اينالىپ كەلەدى.