الماتىدا 1990 جىلى پايدالانۋعا بەرىلگەن قۇبىر جەلىسىن جوندەۋ جۇمىستارىنا بايلانىستى رايىمبەك داڭعىلىندا قوزعالىس ۋاقىتشا شەكتەلەدى، - دەپ حابارلايدى aqshamnews.kz.
18 شىلدە ساعات 22:00 باستاپ 19 شىلدە ساعات 08:00 دەيىن رايىمبەك داڭعىلىنىڭ بويىمەن سەيفۋللين داڭعىلىنان باستاپ بوكەيحانوۆ كوشەسىنە دەيىن ەكى باعىتقا قاراي اۆتوكولىك قوزعالىسى جارتىلاي شەكتەلەدى.
ۋاقىتشا شەكتەۋلەر الداعى جىلىتۋ ماۋسىمىنا دايىندىق اياسىندا 1990 جىلى پايدالانۋعا بەرىلگەن ماگيسترالدى قۇبىر جەلىسىندە جوندەۋ جۇمىستارىن ءقاۋىپسىز جۇرگىزۋ ءۇشىن ەنگىزىلىپ وتىر.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات @AlmatyJoly Telegram-ارناسىندا، اۋدان اكىمدىگىنىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالار» سەرۆيستەرىندە جاريالانعان.