الماتىدا 9–23 تامىز ارالىعىندا الدار كوسە كوشەسىنىڭ جاماقايەۆ پەن جۋكوۆ كوشەلەرىنىڭ اراسىنداعى بولىگىندە كولىك قوزعالىسى ءىشىنارا شەكتەلەدى. بۇل تۋرالى قالالىق ەنەرگەتيكا جانە سۋمەن جابدىقتاۋ باسقارماسى حابارلادى.
ۋاقىتشا شەكتەۋ گەنەرالدىق كونسۋلدىق اۋماعىنان (ءال-فارابي داڭعىلى، 36/14) سورعى ستانسياسىن كوشىرۋ جوباسى اياسىندا جاڭا سۋ قۇبىرى جەلىلەرىن تارتۋعا بايلانىستى ەنگىزىلىپ وتىر.
جوبا اياسىندا ۇزىندىعى 4 شاقىرىم ماگيسترالدى سۋ جەلىسى سالىنىپ، مەدەۋ اۋدانى تۇرعىندارىن تۇراقتى اۋىزسۋمەن قامتۋ كوزدەلگەن.
قالا تۇرعىندارىنىڭ قولايلىعى ءۇشىن اينالما جولدار ۇيىمداستىرىلدى:
• باتىس باعىتتان – جۋكوۆ كوشەسىمەن،
• وڭتۇستىكتەن – كارىبجانوۆ كوشەسىمەن،
• شىعىستان – جاماقايەۆ كوشەسىمەن.
مارشرۋت كەزىندە ۋاقىتشا شەكتەۋدى ەسكەرۋدى سۇرايمىز. ۋاقىتشا قولايسىزدىق ءۇشىن كەشىرىم سۇرايمىز.
ايتا كەتەيىك، كولىك قوزعالىسى شەكتەۋىنە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق «2GIS» پەن «ياندەكس كارتالار» سەرۆيستەرىندە جاريالانعان.