قۇرىلىسشى كۇنى قارساڭىندا پرەمەر-مينيستر ولجاس بەكتەنوۆ مەملەكەت باسشىسى قاسىم-جومارت توقايەۆتىڭ اتىنان قۇرىلىس سالاسىنىڭ ۇزدىك ماماندارى مەن ارداگەرلەرىن قۇتتىقتاپ، مەملەكەتتىك ناگرادالار تابىس ەتتى.
بيىل العاش رەت «قازاقستاننىڭ ەڭبەك سىڭىرگەن قۇرىلىسشىسى» قۇرمەتتى اتاعى رەسمي ماراپاتتار جۇيەسىنە ەنگىزىلدى.
پرەمەر-مينيستر ءوز سوزىندە مەملەكەت باسشىسىنىڭ جۇمىسشى ماماندىقتارى جىلىن جاريالاۋ ارقىلى ەڭبەك ادامىنىڭ بەدەلىن ارتتىرۋعا ەرەكشە ءمان بەرىپ وتىرعانىن اتاپ ءوتتى. قۇرىلىس سالاسى ءجىو-نىڭ 6%-ىن قۇرايدى. 2024 جىلى 19 ملن شارشى مەتر تۇرعىن ءۇي پايدالانۋعا بەرىلىپ، سالادا رەكوردتىق كورسەتكىش تىركەلدى.
بيىلدىڭ العاشقى جارتىجىلدىعىندا 120-دان استام مەكتەپ پەن بالاباقشا، 30-عا جۋىق دەنساۋلىق ساقتاۋ نىسانى سالىندى. قۇرىلىس جۇمىستارىنىڭ كولەمى 18%-عا وسكەن. سونىمەن قاتار جاڭا قۇرىلىس كودەكسى ازىرلەنىپ، سالانى سيفرلاندىرۋ مەن كادرلىق الەۋەتتى ارتتىرۋعا باعىتتالعان.
ماراپات العاندار مەملەكەت باسشىسىنا كاسىبي ەڭبەكتەرىنە كورسەتكەن جوعارى باعاسى ءۇشىن العىس ءبىلدىردى.