- الماتى بيۋدجەتىنىڭ شامامەن 44%ء-ى (553،3 ملرد تەڭگە) الەۋمەتتىك باعىتتاعى شىعىستارعا تيەسىلى، ونىڭ 75 پايىز ۇلەسى نەمەسە 416،5 ملرد تەڭگە ءبىلىم بەرۋ سالاسىنا جۇمسالادى، - دەدى ءماسليحات سەسسياسىندا ەربولات دوسايەۆ.
بيىل 6000 ورىندىق 4 جاڭا مەملەكەتتىك مەكتەپ سالىندى. قوسىمشا 1800 ورىندىق 2 مەكتەپ ساتىپ الىندى.
دەگەنمەن وقۋشى ورىندارىنىڭ تاپشىلىعى پروبلەماسى ءالى دە بار، بۇگىندە 19 120 وقۋشى ورنى تاپشى. بولجام بويىنشا، 2030 جىلعا دەيىنگى مەكتەپ جاسىنداعى بالالاردىڭ جىل سايىنعى ءوسىمى شامامەن 13-14 مىڭدى قۇرايدى، سوندىقتان ورىن تاپشىلىعى پروبلەماسى حرونيچەسكيي (تۇراقتى) دەسە دە بولادى.
ورىن تاپشىلىعى پروبلەماسىن تۇبەگەيلى شەشۋ ءۇشىن مەملەكەت باسشىسى «جايلى مەكتەپ» ۇلتتىق جوباسىن ىسكە اسىرۋعا قولداۋ كورسەتىپ، 2030 جىلعا دەيىن ءبىر اۋىسىمدى وقىتۋعا كوشۋدى قامتاماسىز ەتۋدى تاپسىردى. ۇلتتىق جوبا شەڭبەرىندە 2023 جىلدان باستاپ الماتى قالاسىندا الداعى 3 جىلدىڭ ىشىندە رەسپۋبليكالىق بيۋدجەت ەسەبىنەن 53 ملرد. تەڭگە سوماسىنا 37 100 ورىندىق 22 مەكتەپ قۇرىلىسىن باستاۋ جوسپارلانۋدا.
بۇل رەتتە، جەرگىلىكتى بيۋدجەت ەسەبىنەن جالپى سوماسى 11 ملرد. تەڭگەگە جەر ۋچاسكەلەرىن ساتىپ الۋ جانە ينفراقۇرىلىم تارتۋ ماسەلەلەرى شەشىلەتىن بولادى.
اكىمدىك «1000 مەكتەپ» جوباسىن دا ىسكە اسىرۋدى جالعاستىرا بەرەدى، جوبا شەڭبەرىندە 2023-2025 جىلدارى 27 150 ورىندىق 36 مەكتەپ پايدالانۋعا بەرىلەدى. 2023 جىلى 2 مەكتەپ پەن 4 قوسىمشا قۇرىلىستى سالۋعا 6،9 ملرد. تەڭگە ءبولۋ جوسپارلانۋدا.
وسىلايشا، 2026 جىلعا دەيىنگى تاپشىلىق باسقارىلاتىن دەڭگەيگە دەيىن تومەندەيدى (3000-3500 ورىن).