الماتىدا اعاشتاردى سىندىرعان ەر ادام قاماۋعا الىندى

الماتى پوليسياسى اعاشتاردى قاتىگەزدىكپەن سىندىرعان ەر ادامدى قولعا ءتۇسىردى، – دەپ حابارلايدى aqshamnews.kz Polisia.kz-كە سىلتەمە دەپ.

بۇل دەرەك ۇلكەن الماتى وزەنىنىڭ بويىندا، تولە بي مەن رايىمبەك داڭعىلدارىنىڭ اراسىندا بولدى. ورمان قورىنا كىرەتىن جانە كەسۋگە تىيىم سالىنعان كوشەتتەردىڭ زاقىمدالۋىنا قاتىستى قىزمەت كورسەتۋشى كومپانيانىڭ وكىلى ارىز بەردى.

قاتىگەزدىك ارەكەتكە نارازى بولعان جەرگىلىكتى تۇرعىندار الەۋمەتتىك جەلىدە دابىل قاققان.

– قازىرگى تاڭدا اعاشتاردىڭ زاقىمدالۋىنا قاتىستى قىلمىستىق ءىس تەرگەلۋدە. ارىزدانۋشىنىڭ ايتۋىنشا، تەكسەرۋ كەزىندە 36 دانا كوشەتتەردىڭ زاقىمدانۋى جانە ءولۋى انىقتالدى، اتاپ ايتقاندا: كاتالپا – 15 دانا، اكاسيا – 7 دانا، قاراعاش – 14 دانا. وسى قىلمىستى جاسادى دەگەن كۇدىكپەن 27 جاستاعى جىگىت ۇستالدى، ول بۇزاقىلىق ماقساتىندا اعاشتاردى سىندىرعانىن ايتتى. 

كۇدىكتى ۋاقىتشا ۇستاۋ يزولياتورىنا ورنالاستىرىلدى. ءىس سوتقا جىبەرىلەتىن بولادى، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

ەستەرىڭىزگە سالا كەتەيىك، بۇعان دەيىن الماتىدا بەلگىسىز ادامدار 30-دان استام جاس اعاشتى سىندىرىپ كەتكەنى تۋرالى جازعان ەدىك.