ەلىمىزدىڭ بارلىق وڭىرلەرىندە ەگىن جيناۋ جۇمىستارى جۇرگىزىلۋدە.
اشم مالىمدەۋىنشە، جاپپاي ەگىن جيناۋ ناۋقانى شامامەن تامىزدىڭ ءۇشىنشى ونكۇندىگىندە باستالادى، دەپ حابارلايدى aqshamnews.kz.
23 تامىزدا 1،3 ملن گەكتارعا جۋىق ءداندى جانە بۇرشاقتى داقىلدار جينالدى، ورتاشا ونىمدىلىگى 18،5 س/گا 2،4 ملن توننا استىق باستىرىلدى.
كوكونىس داقىلدارى 51،9 مىڭ گەكتاردان جينالدى، ونىمدىلىگى 248 س/گا 1،3 ملن تونناعا جۋىق جينالدى. باقشا داقىلدارى-82،7 مىڭ گا القاپتان جينالدى، ونىمدىلىگى 249،3 س / گا جالپى الىم 2 ميلليون توننادان استى.
ەگىن جيناۋ ناۋقانىنا 149،9 مىڭ تراكتور، 37،6 مىڭ استىق جينايتىن كومباين، 14،9 مىڭ وراق جانە 195 مىڭ بىرلىك باسقا تەحنيكا قاتىسادى.
اعىمداعى جىلدىڭ ەگىن جيناۋ جۇمىستارىنا ديزەل وتىنىنىڭ كولەمىن قالىپتاستىرۋ اقپاراتتىق جۇيە بازاسىندا اۋىل شارۋاشىلىعى تاۋارىن وندىرۋشىلەردىڭ ەلەكتروندىق وتىنىمدەرى نەگىزىندە جۇزەگە اسىرىلدى "gosagro.kz" 355،0 مىڭ توننا ديزەل وتىنى قابىلداندى.
ءاشتو ءۇشىن ديزەل وتىنىنىڭ قۇنى 250 تەڭگە/ليتر (جمقس – 295 تەڭگە/ليتر) دەڭگەيىندە، بۇل نارىقتان 15% - عا ارزان. اگرارشىلارعا شامامەن 54،5 مىڭ توننا جونەلتىلدى.
قولدا بار استىق ساقتاۋ سىيىمدىلىقتارىنىڭ جالپى كولەمى 30 ملن توننادان اسادى، بۇل بولاشاق ەگىننىڭ استىعىن جانە اۋىسپالى قورلاردى ساقتاۋ ءۇشىن جەتكىلىكتى. ونىڭ ىشىندە 13،4 ملن توننا - بۇل 191 ليسەنزيالانعان استىق قابىلداۋ كاسىپورنىنىڭ قۋاتى. اۋىل شارۋاشىلىعى تاۋارىن وندىرۋشىلەردىڭ 16،6 ملن توننا استىق ساقتاۋ سىيىمدىلىعى بار.
ەگىن جيناۋ ناۋقانىن ءساتتى وتكىزۋدىڭ نەگىزگى ماسەلەسى فەرمەرلەردى قارجىمەن قامتاماسىز ەتۋ بولىپ تابىلادى.
وتكەن جىلداعىداي "اگرارلىق نەسيە كورپوراسياسى" اق جەلىسى بويىنشا كوكتەمگى ەگىس جانە ەگىن جيناۋ جۇمىستارىن قارجىلاندىرۋدىڭ جالپى سوماسى 140 ملرد.تەڭگەنى قۇرادى جانە 3،8 مىڭ ءاشتو قارجىلاندىرىلدى.
ازىق-تۇلىك كورپوراسياسىنىڭ جەلىسى بويىنشا ازىق-تۇلىك كورپوراسياسىنىڭ رەسۋرستارىنا استىق جەتكىزۋدىڭ قاجەتتى كولەمىنە كەلىسىمشارت جاسالدى، ول ءۇشىن فورۆاردتىق ساتىپ الۋ شەڭبەرىندە 40،0 ملرد.تەڭگە ءبولىندى.
سونىمەن قاتار، پرەمەر-مينيستردىڭ تاپسىرماسى بويىنشا پايىزدىق مولشەرلەمەنى سۋبسيديالاۋعا 100 ملرد تەڭگە قوسىمشا قاراجات ءبولىندى، بۇل كوكتەمگى ەگىس جانە ەگىن جيناۋ جۇمىستارىن نەسيەلەۋگە قوسىمشا 400 ملرد تەڭگە تارتۋعا مۇمكىندىك بەردى. وسى قاراجات بويىنشا قارجى ينستيتۋتتارىن تىكەلەي سۋبسيديالاۋ تەتىگى قاراستىرىلعان، ول اگرارشىلارعا تازا 5% قارجىلاندىرۋدى الۋعا مۇمكىندىك بەرەدى.
جالپى، كوكتەمگى ەگىس جانە ەگىن جيناۋ جۇمىستارىن جەڭىلدەتىلگەن قارجىلاندىرۋ كولەمى 580 ملرد. تەڭگەنى قۇرادى، بۇل وتكەن جىلدارمەن سالىستىرعاندا 3 ەسە كوپ.
ەگىن جيناۋ ناۋقانىن وتكىزۋدىڭ بارلىق ماسەلەلەرى باقىلاۋدا.