مەملەكەت باسشىسىنىڭ الماتى وڭىرىندە جانە ششۋچە-بۋراباي كۋرورتتىق ايماعىندا تۋريستىك نىسانداردى دامىتۋ تۋرالى تاپسىرماسىن ىسكە اسىرۋ ءۇشىن الماتىدا تۋريزم سالاسىنداعى ءوڭىرارالىق ىنتىماقتاستىق ماسەلەسءى بويىنشا كەڭەس ءوتتى. ءىس-شاراعا الماتى قالاسىنىڭ اكىمى ەربولات دوسايەۆ، اقمولا وبلىسىنىڭ اكىمى مارات احمەتجانوۆ، الماتى وبلىسى اكىمىنىڭ ورىنباسارى رۋستام يساتايەۆ، سونداي-اق تۋريزم باسقارمالارىنىڭ باسشىلارى قاتىستى، دەپ حابارلايدى aqshamnews.kz
الماتى اكىمى ەربولات دوسايەۆ اتاپ وتكەندەي، شاھاردىڭ ەكونوميكالىق دامۋى ونىڭ تۋريستىك تارتىمدىلىعىنىڭ وسۋىمەن تىعىز بايلانىستى. 2023 جىلى الماتى شىۇ-نىڭ مادەني جانە تۋريستىك استاناسى بولىپ تانىلدى، بۇل تۋريستەر سانىنىڭ 2022 جىلمەن سالىستىرعاندا 12،6% كوبەيۋىنە اسەر ەتتى.
وتكەن جىلدىڭ قورىتىندىسى بويىنشا الماتىعا 2 ملن. استام ادام كەلدى، شەتەلدىك تۋريستەر سانى 29،5% ءوستى، بۇل قالانىڭ تۋريستىك باعىت رەتىندەگى جاھاندىق تارتىمدىلىعىن راستايدى. ءتۋريزمدى دامىتۋ ينفراقۇرىلىمعا سالىنعان ينۆەستيسيا ارقىلى جۇزەگە اسادى (بيىلعى 7 ايدا 54،6 ملرد.تەڭگە). تۋريزم سالاسىنان تۇسەتىن سالىق تۇسىمدەرى 32،4% ءوسىپ، جارتى جىلدا 40،6 ملرد. تەڭگەگە جەتتى.
الماتىدا جىل سايىن الەۋمەتتىك-دەموگرافيالىق سيپاتتامالاردى، كەلۋ ماقساتى مەن قالادا بولۋ ۇزاقتىعىن قوسقاندا، ماقساتتى اۋديتوريانى جاقسى تۇسىنۋگە كومەكتەسەتىن «تءۋريستىڭ پورترەتى» زەرتتەۋى جۇرگىزىلەدى. شەتەلدىك تۋريست - كوبىنەسە جالعىز ساياحاتتايتىن 26-35 جاستاعى ەر ادام (40%). كەلۋدەگى نەگىزگى ماقساتى – مادەني ءىس-شارالارعا (48%) جانە ەكوتۋريزمگە (44%) ۋاقىت وتكىزۋ (68%). تۇرۋدىڭ ورتاشا ۇزاقتىعى 5 كۇن، ورتاشا چەك تاۋلىگىنە 334 دوللار (160 320 تەڭگە)، بۇل ىشكى ءتۋريستىڭ ورتاشا چەگىنەن 8،7 ەسەگە كوپ.
MasterCard-پەن سەرىكتەستىك نەگىزگى ۇردىستەردى باقىلاۋعا جانە تۋريستىك الەۋەتتى دامىتۋعا مۇمكىندىك بەرەدى. پلاتفورمانىڭ مالىمەتىنشە، الماتىدا ءبىرقاتار كورسەتكىش جاقسارعان. تۋريستەردىڭ قاناعاتتانۋ يندەكسى (GTPI) 2024 جىلدىڭ قاڭتارىنان شىلدەسىنە دەيىن 6% ءوسىپ، 71% بولدى. شەتەلدىك تۋريستەر كليمات (89%)، تۋريستىك ونىمدەر (79%) جانە قوناق ۇيلەر (52%) تۋرالى جاعىمدى پىكىر ايتادى. ءتۋريستىڭ جەكە ساپارلارىنا ورتاشا شىعىستارى تاۋلىگىنە 165،4 دوللار (79،4 مىڭ تەڭگە)، بيزنەس-تۋريست 425 دوللار (204 مىڭ تەڭگە) جۇمسايدى، بۇل الماتىدا MICEء-تۋريزمدى دامىتۋدىڭ ماڭىزدىلىعىن كورسەتەدى.
ششۋچە-بۋراباي كۋرورتتىق ايماعى، زەرەندى كۋرورتتىق ايماعى، «بۋراباي»، «كوكشەتاۋ»، «بۇيراتاۋ» مەملەكەتتىك ۇلتتىق ساياباقتارى جانە قورعالجىن قورىعى سياقتى بىرەگەي تابيعي نىساندار ورنالاسقان اقمولا وبلىسى دا ءتۋريزمدى دامىتۋعا كىرىسكەن.
اقمولا وبلىسىنىڭ اكىمى مارات احمەتجانوۆتىڭ ايتۋىنشا، وڭىردە ەمدەۋ-ساۋىقتىرۋ، رەكرەاسيالىق، ەكولوگيالىق جانە اگرارلىق تۋريزم ورتالىقتارى بەلسەندى دامىپ كەلەدى. 2023 جىلدىڭ جانە وسى جىلدىڭ ءبىرىنشى جارتىجىلدىعىنىڭ ناتيجەسءى وڭ سيپاتقا يە: وڭىرگە جالپى تۋريستىك اعىن 6% ءوسىپ، 1،3 ملن.كەلۋشىگە، ونىڭ ىشىندە 18،2 مىڭ شەتەلدىك تۋريستكە جەتتى، بۇل وتكەن جىلمەن سالىستىرعاندا 114% كوپ. كورسەتىلگەن تۋريستىك قىزمەت كولەمى 23% ءوستى، ال سوڭعى ءۇش جىلدا تۋريزم سالاسىنا سالىنعان ينۆەستيسيا ەكى ەسەگە ارتىپ، 2023 جىلى 27،8 ملرد.تەڭگەگە جەتتى. وڭىردە ينۆەستيسيا تارتۋ جانە قولايلى ينۆەستيسيالىق احۋال جاساۋ بويىنشا بەلسەندى جۇمىس جۇرگىزىلءىپ كەلەدى، بۇل اقمولا وبلىسىنىڭ تۋريستىك الەۋەتىنىڭ تۇراقتى ءوسۋى مەن دامۋىن قامتاماسىز ەتەدى.
الماتى وبلىسى اكىمىنىڭ ورىنباسارى رۋستام يساتايەۆ وڭىردە قازاقستاننىڭ تۋريستىك كارتاسىنا ەنگىزىلگەن 33 اۋماقتىڭ 9-ى شوعىرلانعانىن اتاپ ءوتتى. «بىزدە «كولساي كولدەرى»، «شارىن» جانە «ىلە-الاتاۋ» مەملەكەتتىك ۇلتتىق تابيعي ساياباقتارى سياقتى بىرەگەي تابيعي نىساندار بار. تۋريستەر ءۇشىن ينفراقۇرىلىمدى دامىتۋ بويىنشا بەلسەندى جۇمىس ىستەپ جاتىرمىز. جاڭا ورنالاستىرۋ نىساندارىن قۇرىپ جاتىرمىز. بيىل العاشقى 6 ايدا الماتى وبلىسىندا شەتەلدىك قوناقتار سانى 73 مىڭنان استى - بۇل وتكەن جىلمەن سالىستىرعاندا ەكى ەسەگە كوپ»، - دەدى رۋستام يساتايەۆ.
وتكىزىلگەن ماركەتينگتىك زەرتتەۋلەردى ەسكەرە وتىرىپ، الماتى اكىمى ەربولات دوسايەۆ كەڭەسكە قاتىسۋشىلارعا شەتەلدەردىڭ تاجىريبەسىن پايدالانا وتىرىپ، وتباسىلىق جانە بالالار پاكەتى بار بىرەگەي تۋريستىك ونىمدەردى دامىتۋدى ۇسىندى. اۋە كومپانيالارمەن، قوناق ءۇي جەلىسىمەن جانە جەڭىلدەتىلگەن قارجىلاندىرۋمەن بىرلەسكەن جوبالار بويىنشا باستامالار دا قولداۋ تاپتى. كەڭەس قورىتىندىسى بويىنشا تاراپتار ءبىرىڭعاي تۋريستىك ونىمدەر قۇرۋدى، حالىقارالىق نارىقتاعى ورنىن نىعايتۋدى، سەمينار وتكىزۋدى جانە وڭىرلەردى دامىتۋ ءۇءشىن حالىقارالىق كورمەلەرگە قاتىسۋدى كوزدەيتىن سەرىكتەستىك تۋرالى مەموراندۋمعا قول قويدى.