قالادا تۇراقتى تىركەۋى بار كامەلەتكە تولعان الماتىنىڭ كەز كەلگەن تۇرعىنى اۋدانىن، كوشەسىن نەمەسە اۋلاسىن كورىكتەندىرۋ جونىندە ءوتىنىم ۇسىنا الادى. ەگەر باستامانى باسقا تۇرعىندار داۋىس بەرۋ ارقىلى قولداسا، وندا ول قالالىق بيۋدجەت ەسەبىنەن جۇزەگە اسىرىلادى.
الماتى اۋداندارىنىڭ اۋماعىن دامىتۋ جانە كورىكتەندىرۋ بويىنشا ءوتىنىم قابىلداۋ 9 قىركۇيەكتە باستالىپ، 25 قىركۇيەككە دەيىن جالعاسادى. ساراپتامالىق كەڭەستىڭ باعالاۋىنان وتكەن جانە داۋىس بەرۋدە كوش باسىندا بولعان جوبالاردى الماتىنىڭ اۋداندىق اكىمدىكتەرى 2025 جىلى ىسكە اسىرادى.
قالا تۇرعىندارى ۇسىنىسىن budget.open-almaty.kz ينتەرنەت-پورتالى ارقىلى جىبەرە الادى. ءوءتىنىمدە جوبالىق ۇسىنىستىڭ اتاۋى مەن سيپاتتاماسى، ورنالاسقان جەرىنىڭ مەكەنجايى، بولجالدى فوتوسۋرەتتەردى، سحەما نەمەسە ەسكيزدى، جوبالىق ۇسىنىستىڭ سمەتاسى بولۋعا ءتيىس. ءبىر ءوتىنىم 92،3 ملن تەڭگەدەن (25 مىڭ اەك) اسپاۋى كەرەك.
«حالىق قاتىساتىن بيۋدجەت» جوباسى 8 كەزەڭنەن تۇرادى: ءوتىنىم قابىلداۋ، ساراپتامالىق باعالاۋ، اۆتورلاردىڭ جوبالاردى پىسىقتاۋى، پىسىقتالعان ۇسىنىستاردى قاراۋ، داۋىس بەرۋ، داۋىس بەرۋءدى قورىتىندىلاۋ، بيۋدجەتتىك ءوتىنىمدى قالىپتاستىرۋ، جوبالاردى ىسكە اسىرۋ.
حقب اياسىندا نە ۇسىنۋعا بولادى؟
جوبالىق ۇسىنىستار توعىز سانات بويىنشا قابىلدانادى:
· كوگالداندىرۋ
· تروتۋارلاردى جايلاستىرۋ
· تروتۋارلاردى، پاندۋستاردى، ارىقتاردى سالۋ جانە جوندەۋ
· جالپى پايدالانىم ورىندارىن قۇرۋ، جوندەۋ جانە جارىقتاندىرۋ
· جيەكتاستاردى، توسەنىشتەردى، تىرەۋ قابىرعالارىن جوندەۋ
· پوليگونداردى جويۋ
· بالالار ويىندارى مەن ەرەسەكتەردىڭ دەمالۋى ءۇشىن، جالپى پايدالانىم ورىندارىندا كۇركەلەردى، ورىندىقتاردى، قوقىس جاشىكتەرىن، جابدىقتار مەن قۇرىلىمداردى ورناتۋ جانە جوندەۋ
· اۋلا اۋماقتارىندا جانە جالپى پايدالانىم ورىندارىندا سپورت الاڭدارىن، بالالار ويىن الاڭدارىن ورناتۋ، جوندەۋ جانە جارىقتاندىرۋ
· سانيتارلىق ءتارتىپتى قامتاماسىز ەتۋ
ىرىكتەۋدى وتكىزۋ ءتارتىبى جانە جوبالارعا قويىلاتىن تالاپتار:
· ءبىر اۆتوردان – ءبىر ءوتىنىم – ءبىر نىسان
· نىسان قولجەتىمدىلىكتى شەكتەمەي، جالپى پايدالانىمدا بولۋى كەرەك.
· نىسان ونى ىسكە اسىرۋ جوسپارلانىپ وتىرعان اۋدان اۋماعىندا، ورتاق پايدالانىلاتىن جەردە جانە اكىمدىكتىڭ جانە كوممۋنالدىق قىزمەتتەردىڭ قۇزىرەتى شەگىندە ورنالاسۋعا ءتيىس
قانداي جوبالار قابىلدانبايدى؟
· قۇرىلىس-مونتاج جۇمىستارىن جۇرگىزبەستەن جسق (جوبالاۋ-سمەتالىق قۇجاتتاما) ازىرلەۋگە عانا ەسەپتەلگەن
· فراگمەنتتىك (بولاشاقتا قوسىمشا ەلەمەنتتەردى ەنگىزۋدى تالاپ ەتەدى)
· الماتىنىڭ دامۋ باعدارلاماسىنا جانە ق ر زاڭناماسىنا سايكەس كەلمەيءتىن
· كوممەرسيالىق سيپاتتاعى جانە ت.ب.
ءوتىنىم قابىلداۋ مەرزىمى اياقتالعان سوڭ ساراپتامالىق كەڭەس پەن اۋدان اكىمدىكتەردىڭ وكىلدەرى كەلىپ تۇسكەن وتىنىمدەردى ولاردىڭ ساناتىندا كوزدەلگەن «حالىق قاتىساتىن بيۋدجەتتىڭ» تالاپتارى مەن ولشەمشارتتارىنا سايكەستىگى تۇرعىسىنان نوباي مەن بولجامدى سمەتانىڭ بولۋىنا قاراي باعالايدى.
قارالعاننان كەيىن ءاربىر وتىنىمگە مىنا ءۇش مارتەبەنىڭ ءبىرى بەرىلەدى: «داۋىس بەرۋگە جىبەرىلدى»، «تۇزەتۋگە جىبەرىلدى» نەمەسە «قابىلدانبادى».
«حالىق قاتىساتىن بيۋدجەتتىڭ» بارلىق ەرەجەسىنە سايكەس رەسىمدەلگەن ءوتىنىم ماقۇلدانادى جانە داۋىس بەرۋ كەزەڭىنە جىبەرىلەدى.
تۇزەتۋگە باعىتتالعان ۇسىنىستىڭ اۆتورى جوباسىن تۇزەتۋگە جانە ءوتىنىمدى قايتا قاراۋعا جىبەرۋگە مۇمكىندىك الادى.
جوبانىڭ قازىرگى كەزەڭى/كۇيى تۋرالى حابارلامانى پايدالانۋشىنىڭ جەكە كابينەتىنەن كورۋگە بولادى.
داۋىس بەرۋگە جىبەرىلگەن جوبالار budget.open-almaty.kz ينتەرنەت-پورتالىندا جاريالانادى.
«حالىق قاتىساتىن بيۋدجەت» تۋرالى كەڭەستى نەمەسە اقپاراتتى الماتى قالاسى اۋداندىق اكىمدىكتەرىنەن، سونداي-اق Open Almaty اكىمدىگىنىڭ قوعامدىق قابىلداۋ بولمەسىنەن 224 39 29 (ىشكى. 203) الۋعا بولادى.