قازاقستان ازاماتتارىنا ۋكراينانى تاستاپ شىعۋ ۇسىنىلدى.
ۋكرايناداعى شيەلەنىستىڭ كۇشەيۋىنە بايلانىستى قازاقستاننىڭ ۋكرايناداعى ەلشىلىگى ءوز ازاماتتارىنا ەلدەن كەتۋدى ۇسىندى.
«قازاقستان ازاماتتارى ۋكراينادان قازاقستانعا پولشا نەمەسە مولدوۆا ارقىلى جەرۇستى مارشرۋتتارىن پايدالانا الادى، سودان كەيىن كوممەرسيالىق اۋە رەيستەرىمەن جولعا شىعا الادى. ەگەر پولشا ارقىلى كەتسە، شەنگەن ۆيزاسى بولۋى قاجەت. مولدوۆاعا كىرۋ ءۇشىن ۆيزا تالاپ ەتىلمەيدى»، – دەپ حابارلادى ەلشىلىك.
سونىمەن بىرگە، ەلشىلىك اۋە دابىلىن ەلەمەۋگە بولمايتىنىن ەسكەرتتى جانە قاجەت بولعان جاعدايدا دەرەۋ پانالايتىن جەرگە بارۋدى، قاۋىپسىزدىك شارالارىن ساقتاۋدى جانە رەسمي بيلىكتىڭ نۇسقاۋلارىن ورىنداۋدى شاقىردى.
ەلشىلىكتىڭ كونسۋلدىق ءبولىمىنىڭ بايلانىس نومىرلەرى: +38(044) 4831596، +38(044) 4891031.
قازاقستان ازاماتتارى ءۇشىن جەدەل جەلى ءنومىرى (توتەنشە جاعدايلاردا): +380673470408.
3 قىركۇيەكتە رەسەي پولتاۆاداعى اسكەري بايلانىس ورتالىعىنا زىمىراندىق شابۋىل جاسادى. شابۋىل سالدارىنان 51 ادام قازا تاۋىپ، تاعى 271 ادام جارالاندى.