ءتولقۇجات العان ايەل پوليسياعا العىس ايتتى
الماتىدا 67 جاستاعى ليۋبوۆ كيرحادجي ەسىمدى قاريا بۇگىنگە دەيىن 1974 جىلعى ەسكى تولقۇجاتپەن ءومىر ءسۇرىپ كەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، ءوزى جالعىزباستى، بىرنەشە جىل بۇرىن باسپاناسىنان ايىرىلعان. ءقازىر الەۋمەتتىك بەيىمدەۋ ورتالىعىندا تۇرىپ جاتىر. جاقىندا پوليسيا قىزمەتكەرلەرىنىڭ كومەگىمەن جاڭا كۋالىك الدى.
«ءومىردىڭ قيىندىقتارىنا بايلانىستى، ۇزاق ۋاقىت بويى جەكە كۋالىك الا الماي ءجۇردىم. پوليسيا قىزمەتكەرلەرىنىڭ ارقاسىندا ءتولقۇجاتىمدى الدىم. ولارعا كوپ راقمەت»، – دەدى قاريا.
الماتى قالالىق پوليسيا دەپارتامەنتىنىڭ كوشى-قون قىزمەتى باسقارماسىنىڭ باستىعى، پوليسيا پولكوۆنيگى اسحات بۋتۋنچينوۆتىڭ ايتۋىنشا، اپاعا قىسقا مەرزىمدە كومەك كورسەتىلدى.
«ونىڭ جەكە باسىن راستاپ، قۇجات بەردىك. بۇعان دەيىن دە وسىنداي جاعدايلار بولعانىن بىرنەشە رەت حابارلاعان بولاتىنبىز. سونىڭ سالدارىنان ولار مەملەكەتتىك قىزمەت پەن قاجەتتى الەۋمەتتىك تولەمدەردى الا المادى. وسىنداي ماسەلەلەردى شەشۋگە مۇقتاج جاندارعا كومەكتەسكەنىمىزگە قۋانىشتىمىز»، - دەدى پوليسيا پولكوۆنيگى.
ەسكە سالايىق، بۇعان دەيىن باتىس قازاقستاندا پوليسيا قىزمەتكەرى ەكى بالانى قۇتقارىپ قالعان ەدى.