اعاشتى اياۋسىز كەسۋ تىيىلار ەمەس
«تابيعات» ەكولوگيالىق قاۋىمداستىقتار مەن كاسىپورىندار وداعىنىڭ ءتوراعاسى مەلس ەلەۋسىزوۆ تابيعات جاناشىرى رەتىندەگى جۇمىسىن جانداندىرۋعا نيەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل ىسپەن اينالىسقانىما 35 جىل بولدى. پارتيا پروبلەمالاردى پارلامەنت تورىندە ايتۋ ءۇشىن قاجەت. ال پارلامەنت كوپشىلىكتىڭ باسىمدىعى قاعيداتى بويىنشا جۇمىس ىستەيدى. ءقازىر پارتيا قۇراتىن ءسات كەلىپ تۇر. ماعان پرەزيدەنتتىڭ كوپپارتيالىق تۋرالى ايتىپ جۇرگەنى ۇنايدى. ءبىراق پارتيانى اۋەلى قۇرۋ كەرەك. بۇل ىستە ەڭ ماڭىزدى ماسەلە – ادامداردىڭ قىزىعۋشىلىعى. ءقازىر ساياسات تۋرالى ايتۋشىلار كوپ. مەن ەكولوگيالىق پارتيا قۇرۋ تۋرالى ۇسىنىس كوتەردىم. ءبىراق ول ءۇشىن كوپ ادام قاجەت. ءقازىر ەلدىڭ ىشىندە بۇل ماسەلەدە تۇسىنىستىك بار. ەكولوگياعا قاتىسى جوق سالا نەمەسە ادام بولمايدى. ءبارىمىزدىڭ قاتىسىمىز بار. قازاقستان ءۇشىن بۇل - ەرەكشە ماسەلە. ەكولوگيا – ءومىردىڭ نەگىزى. ەكولوگيالىق پارتيا قۇرۋ جۇمىسىن قايتا جانداندىرۋدى ۇسىنامىن. بۇل پارتيا ەكولوگيا پروبلەمالارىمەن عانا اينالىسپاۋى كەرەك. ويتكەنى ادام جۇرگەن جەردە ەكولوگيا ماسەلەسى قوسا جۇرەدى»، - دەدى ەكولوگ.
ونىڭ پايىمىنشا، پارتيا قۇرۋ – مەملەكەتكە قاجەت شارۋا.
«ساياسي باعىت دۇرىس تاڭدالسا جەتىستىك تە بولادى. بارشا جۇرتتى ەكولوگيا ماسەلەسىمەن ساياسي دەڭگەيدە اينالىسۋعا شاقىرامىن. حالىقتىڭ ەكولوگيالىق ساناسى جەتىلگەن بولۋى كەرەك. بۇل – بولاشاقتىڭ قامى. ءبىز قۇراتىن پارتيانى حالىقتىڭ قولداعانى كەرەك»، - دەيدى مەلس ەلەۋسىزوۆ.
سونداي-اق، ول كۇن تارتىبىندە تۇرعان وزەكتى ەكولوگيالىق پروبلەمالار توڭىرەگىندە وي قوزعادى.
«اعاشتى اياۋسىز كەسۋ تىيىلار ەمەس. الماتىدا جايدان-جاي تالاي اعاش وتالدى. بۇل الماتىنىڭ ومىرىنە ءقاۋىپتى. ەكولوگيا ماسەلەسى تىم اۋقىمدى. سوندىقتان ەشكىم ەشتەڭەنى شەشە الماي وتىر. كەز كەلگەن ماسەلەنى ەكولوگيا تۇرعىسىنان قاراۋعا بولادى. ياعني، شەشىم قابىلداعان كەزدە ەكولوگيالىق تۇرعىدان كەلسەك، ناتيجە بولادى. ءقازىر كليماتتىڭ جىلىنۋى بەلەڭ الىپ تۇر. تابيعي رەسۋرستار سارقىلىپ جاتىر. ءتىپتى وتە از قالدى. ەكولوگيا مينيسترلىگىنىڭ گەولوگيالىق بارلاۋعا ءمان بەرۋى تەگىن ەمەس. ءقازىر شارا قولدانباساق، قاپى قالامىز. ءقازىردىڭ وزىندە تەرريتوريامىزدىڭ 4% سۋعا اينالىپ كەتتى. مۇزدىقتاردىڭ 44% ەرىپ جوعالدى. بۇلاي كەتە بەرسە، سۋسىز قالامىز. بۇل ىسكە ساۋاتتى كەلۋ كەرەك»، - دەيدى تابيعات جاناشىرى.
ءقازىر بۇكىل ەلدىڭ اۋزىندا جۇرگەن سوربۇلاقتىڭ ماسەلەسىمەن ول 35 جىلدان بەرى الىسىپ كەلە جاتقانىن ايتتى.
«مەنىڭ بۇعان دەيىن ايتقاندارىمنىڭ ءبارى شىنعا اينالىپ وتىر. ءقازىر احۋال قيىن. سوربۇلاق بۇلىنسە، بالقاش اۋدانى، ىلە اۋدانىنىڭ جارتىسى ءقاۋىپ استىندا قالادى. ءبارى بۇل ماسەلەنى جىلى جاۋىپ قويعىسى كەلەدى. ءبىراق پروبلەمادان قاشقانمەن قۇتىلمايسىڭ. «تابيعات – ساليقالى ۇيىم. ءبىز پروبلەمانى كورسەتىپ قاناي قويماي، شەشۋ جولىن ۇسىنامىز. سوربۇلاق ماسەلەسى بويىنشا بىزدەن باسقا ەشكىم ناقتى شەشىم ۇسىنعان دا جوق»، - دەيدى «تابيعات» ەكولوگيالىق قاۋىمداستىقتار مەن كاسىپورىندار وداعىنىڭ ءتوراعاسى.
ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك-ساياسي زەرتتەۋلەر ءبولىمىنىڭ باسشىسى ينديرا رىستينانىڭ ايتۋىنشا، جاستار اراسىندا ەكولوگيالىق پارتياعا دەگەن سۇرانىس جوعارى.