بۇۇ سوماليدە اشتىق بولۋى مۇمكىندىگىن ەسكەرتتى

213 مىڭ ادامعا  اشتىق قاتەرى ءتونىپ تۇر

بۇۇ سوماليگە اشتىق قاتەرى ءتونىپ تۇرعانىن ايتتى. وعان جاۋىن-شاشىننىڭ بولماۋى مەن ازىق-تۇلىك باعاسىنىڭ ءوسۋى سەبەپ بولۋى مۇمكىن، دەپ حابارلايدى Almaty-akshamy.kz Baq.kz-كە سىلتەمە جاساپ.

Reuters اگەنتتىگىنىڭ مالىمەتىنشە، 213 مىڭ سومالييلىققا اشتىق قاتەرى ءتونىپ تۇر. بۇل ءساۋىر ايىنداعى بولجامدان 3 ەسەگە كوپ.

«ءالسىز توپتىڭ ءومىرى ءقازىردىڭ وزىندە ازىق-تۇلىك تاپشىلىعى سالدارىنان قىل ۇستىندە تۇر. ءبىز اشتىقتىڭ باستالعانىن جاريالاۋ ءۇشىن كۇتىپ وتىرا المايمىز، ارەكەت ەتۋ كەرەك»، - دەدى بۇۇ-نىڭ سوماليدەگى وكىلى ەل-حيدير دالۋم.

بۇۇ اگەنتتىگى 7،1 ملن سومالييلىك نەمەسە ەل تۇرعىندارىنىڭ تەڭ جارتىسى تاماق تاپشىلىعىن قاتتى سەزىنىپ وتىرعانىن ايتتى. ولاردىڭ دەرەكتەرىنە سۇيەنسەك، سوماليدە بىلتىرعى قۇرعاقشىلىقتىڭ كەسىرىنەن 3 ملن مال باسى قىرىلىپ قالعان. ودان بولەك، ەلدە جاڭبىر ماۋسىمىندا جاۋىن-شاشىن جاۋماي تۇر. 

بۇۇ گۋمانيتارلىق ارەكەت ەتۋ جوسپارى بيىل تەك 18%-عا عانا قارجىلاندىرىلعان. سوماليدەن بولەك، الەمدە توتەنشە جاعدايعا تاپ بولىپ، «ىستىق نۇكتە» بولىپ سانالاتىن، قارجىلاندىرۋعا مۇقتاج باسقا دا مەملەكەتتەر بار.