ق ر ۇلتتىق قاۋىپسىزدىك كوميتەتى 2025 جىلعى 28 قازاندا تەررورلىق اكتىنىڭ الدىن الۋ تۋرالى مالىمدەمە جاسادى، دەپ حابارلايدى aqshamnews.kz
سەيسەنبىدە تاراتىلعان اقپاراتقا سۇيەنسەك:
"ۇلتتىق قاۋىپسىزدىك كوميتەتى الماتى قالاسىندا 2025 جىلدىڭ قىركۇيەگىندە 5 شەتەلدىك ازامات جوسپارلاعان تەررورلىق اكتىسىنىڭ الدىن الدى. ولاردىڭ بارلىعى قاماۋعا الىنىپ، تەرگەۋ جۇرگىزىلۋدە".
سونىمەن قاتار، كوميتەت بيىل قىركۇيەك پەن قازاندا تەرروريزمدى ناسيحاتتادى دەگەن كۇدىكپەن قىلمىستىق ىستەر اياسىندا 8 قازاقستاندىق قاماۋعا الىنعانىن مالىمدەدى. قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس تەرگەپ-تەكسەرۋ بارىسى تۋرالى اقپارات جاريا ەتۋگە جاتپايدى".
سول كەزەڭدە ۇقك ماتەريالدارى بويىنشا 6 ادام تەرروريستىك جانە ەكسترەميستىك قىلمىستار جاساعانى ءۇشىن ءتۇرلى مەرزىمگە باس بوستاندىعىنان ايىرۋعا سوتتالعان.
"جالپى جىل باسىنان وسىنداي قىلمىستارى ءۇشىن 89 ادام قىلمىستىق جاۋاپكەرشىلىككە تارتىلدى، ونىڭ ىشىندە 6 ادام شەتەلدىك"،- دەلىنگەن اقپاراتتا.